Neste 2023 de novo unha muller é a protagonista no Día da Ilustración. Despois de Lolita Díaz Baliño é agora de a quenda de recuperar como ilustradora a obra dunha das súas alumnas, María Antonia Dans.
A Xunta de Galicia e o Instituto Cervantes inauguran hoxe en París, coa colaboración da Embaixada de España en Francia, a exposición Foi un home. Laxeiro en América (Buenos Aires, 1950-1970), en homenaxe a un dos pintores galegos máis relevantes do século XX e figura destacada da vangarda pictórica española. O conselleiro de Cultura, Educación, FP e Universidades, Román Rodríguez, á fronte da delegación galega, indicou que a mostra chega á capital francesa co obxectivo de reivindicar a nivel internacional o legado do artista.
BSO23 | Banda Sonora Orixinal da túa Paixón é un encontro que pretende congregar a instrumentistas de bandas e agrupacións musicais de Semana Santa para formarse, partillar experiencias e compartir a súa música con todo o público interesado no patrimonio e tradición musical en Galicia arredor da Semana Santa.
Este Entroido, na Cidade da Cultura viaxamos no tempo con Ramona Órbita e un baile de máscaras dos que fan época!
Con motivo da celebración do Día da Ilustración (30 de xaneiro) a Biblioteca de Galicia organiza este encontro co recoñecido debuxante e ilustrador, Siro López, que terá lugar o sábado 4 de febreiro.
Trátase dun encontro entre persoas con vocación artística ou interesadas nas artes plásticas, para reflexionar entre todos/as sobre a arte da ilustración e os distintos xéneros, estilos e intencións que a ilustración gráfica tivo na historia da arte.
A Vía da Prata. Aires do Sur continúa a serie expositiva iniciada por O Camiño Portugués. Lembranzas de mar e pedra (Cidade da Cultura, outubro 2021- abril 2022) que se adentra nas rutas xacobeas a través da ollada fotográfica. Comisariada pola historiadora, guionista e documentalista Lucía Laín, esta segunda mostra reflexiona sobre a diversidade e a interrelación entre tradicións e culturas, sobre a soidade, a distancia e o paso do tempo cunha ollada que vai desde o presente cara ao pasado.
A Xunta de Galicia avanzou hoxe o programa de actividades da Cidade da Cultura para o primeiro semestre deste ano, no que destacan unha vintena de exposicións e intervencións artísticas e paisaxísticas, o reforzo do seu programa de residencias e unha destacada aposta pola itinerancia dos seus contidos culturais, que chegarán a cidades como París, Cáceres, A Coruña, Lugo ou Vigo.
A exposición Luz na Terra. O Seminario de Estudos Galegos: unha institución de alta cultura está concibida como celebración do centenario da fundación desta institución, determinante na construción da identidade galega e grande impulsora da modernización cultural e científica de Galicia.
Detrás do espello propón unha visión de Galicia a través da ollada de 50 recoñecidos nomes das artes, a ciencia ou o pensamento do último século e medio, homes e mulleres relevantes na historia da cultura universal que afondaron na realidade galega ou se deixaron inspirar por ela.
A Cidade da Cultura volve acoller en xaneiro unha selección do mellor cine dirixido ao público miúdo máis esixente coa sétima edición de Pequefilmes. O festival internacional de curtametraxes infantís proxectará no Gaiás un total de 65 obras, procedentes dunha vintena de países, na fin de semana do 28 e 29 de xaneiro.
