O Museo Centro Gaiás emprázase novamente como sede da clausura do ciclo Camiño Escena Norte, unha iniciativa que promove o intercambio cultural a través das artes escénicas, tomando como fío condutor as rutas históricas do Camiño de Santiago. Desta volta, a Cidade da Cultura acolle a estrea galega de Fronteirizas, obra autoficcional da compañía cántabra Mari Paula Dance & Perfomance na que a bailarina, coreógrafa e xestora cultura brasileira Mari Paula aborda temas como a loita, o cansazo e a aceptación do fracaso.

Queres mergullarte na exposición Luz na Terra dun xeito diferente? Este outono o Museo Centro Gaiás organiza nas tardes dos martes un programa de visitas comentadas especiais a esta mostra conducidas por algúns dos maiores expertos de Galicia na historia e o legado do Seminario de Estudos Galegos. 

Experimentia converte este outono o Museo Gaiás nun laboratorio onde o artístico e o científico se mesturan, nun espazo lúdico para que a cativada argalle libremente arredor da arte e experimente coa luz, a sombra, os volumes, as palabras, as cores e ata as pedras.

Retrete Cabarete é un espectáculo que muda constantemente. O resultado de 17 anos de creación en manipulación de obxectos e teatro visual da compañía El Retrete de Dorian Gray e o seu xeito singular de entender o teatro de marionetas. Aquí non ides ver bonecos ao uso. Globos, fotografías, e as propias mans de Ezra Moreno e Marcos PTT constrúen un mundo xurdido da nada ante os vosos ollos.

Na recta final da exposición Traballo en equipo. 30 anos do CGAC.

Os domingos 17 de setembro e 15 de outubro convidámosvos a descubrir dun xeito diferente a exposición Traballo en equipo. 30 anos do CGAC no Museo Centro Gaiás en dúas sesións de ioga que dialogan con algunhas das pezas da mostra buscando a conexión entre esta disciplina milenaria, o espazo arquitectónico e a arte contemporánea.

A Biblioteca de Galicia organiza con motivo do Día Europeo das Linguas a representación teatral As palabras perdidas. Trátase dun espectáculo de teatro versátil, unha proposta que anima a falar galego dun xeito divertido, dinámico e moderno e que pon en valor o idioma, os ditos e as historias de Galicia. Coñeceremos esas palabras que se atopan máis agochadas!

Argumento