O conselleiro de Cultura, Educación, FP e Universidades, Román Rodríguez, destacou esta mañá a “importancia transformadora do CGAC nas súas tres décadas de vida, nas que reformulou todo concepto que tiñamos sobre as ideas de arte, de museo, de exhibición ou de retrospectiva”. Con motivo do 30 aniversario do centro, o titular de Cultura da Xunta de Galicia asistiu hoxe á apertura de Traballo en equipo.

Un total de dez autores emerxentes galegos están a participar estes días na Residencia Literaria da Cidade da Cultura para perfeccionar os seus proxectos de narrativa. A actividade, que forma parte do programa de Residencias Artísticas do Gaiás impulsado pola Xunta de Galicia, conxuga o traballo individual coa posta en común e o intercambio de impresións sobre as propostas do resto de participantes.

O presidente da Xunta, Alfonso Rueda, destacou esta mañá a relevancia do Seminario de Estudos Galegos como “un dos grandes alicerces da cultura galega” do pasado cuxo legado continúa vixente na actualidade. O titular do Goberno autonómico asistiu á inauguración da exposición Luz na Terra.

A Cidade da Cultura de Galicia acolle ao longo de toda a xornada de hoxe a VI edición do Festival de Bandas Infantís e Xuvenís de Galicia, no que preto de 600 músicos novos, de 12 formacións, interpretan os repertorios elixidos para a ocasión. Entre elas inclúese a Banda Sinfónica Xuvenil Galega, formada por medio cento de intérpretes, todos menores de 20 anos, pertencentes a diferentes bandas e conservatorios da Comunidade.

A Xunta de Galicia vén de licitar o contrato para que Galicia conte co seu primeiro Centro de Artes Dixitais, que será tamén un equipamento de referencia en España para este tipo de tecnoloxías. A previsión é que os traballos comecen este outono co fin de que poida estar en marcha a finais do 2025.

A Xunta de Galicia, a través da Fundación Cidade da Cultura, abriu este mércores un novo itinerario artístico nas zonas verdes do Gaiás, formado polas intervencións artísticas da cuarta edición do ciclo Reb/veladas na paisaxe. Nesta ocasión son dous creadores novos galegos, Diego Vidal e Rebeca Lar, canda o navarro Alberto Odériz, os encargados de dar forma ás tres pezas escultóricas que se poderán ver ata o mes de novembro no Bosque de Galicia.