Este verán temos 4 grandes espectáculos para pasar o voso tempo de lecer coa cativada en familia. Maxia, rock e circo ao aire libre e de balde! Apúntate ao Verán no Gaiás.

Nun mundo cada vez máis afectado por problemas de saúde mental, tal e como sinalan indicadores como os da Organización Mundial da Saúde, faise preciso concienciar a sociedade da necesidade de que as persoas que os padecen poidan desenvolverse mantendo relacións persoais, familiares e sociais de forma plena.

Este 2024 o ciclo Atardecer no Gaiás trae 16 concertos gratuítos, os xoves e venres entre o 4 de xullo e o 30 de agosto, para gozar dos mellores solpores do verán en Compostela. Música urbana, rap rural, neo-tradi, pop indie ou electrónico, ritmos tropicais... de seguro atopas nesta edición máis dunha banda que esperte o teu interese e as túas ganas de bailar.

Músico galego de orixe, universal polo seu destino e innovador por convicción, Budiño será o protagonista do concerto polo Día da música que poderedes gozar, de balde, o 21 de xuño na Cidade da Cultura. Acompañado dunha banda de novos talentos e algunhas das mellores voces dentro do 'neo-tradi' e o folk que se está a facer en Galicia, Budiño escolleu a Praza Central do Gaiás para presentar na capital galega o seu último disco, Branca Vela.

Unha festa da mellor música barroca, un espectáculo cargado de humor onde as personaxes, as músicas, o teatro cómico e os espazos escénicos compoñen un mosaico que funciona á perfección para o goce de cativada e persoas adultas. Píscore Teatro trae ao Gaiás Molto Barroco, unha proposta escénica coa que a Biblioteca de Galicia vos convida a festexar en familia o Día Europeo da Música.

O venres 31 de maio terá lugar unha nova xornada técnica na Biblioteca de Galicia, co título «Transformando a música en patrimonio». Como cada ano a institución cabeceira do Sistema de Bibliotecas da nosa comunidade autónoma organiza unha serie de encontros para analizar e debater algún dos temas transversais vencellados as nosas institucións da memoria. Nesta ocasión a xornada estará centrada no patrimonio sonoro. Os documentos sonoros e audiovisuais tamén forman parte do acervo cultural dun pobo, e como tales deben preservarse e difundirse.