Na cociña, no baño, no colexio, no parque... A ciencia forma parte da nosa vida cotiá aínda que non nos deamos conta. Para demostralo, novembro convértese no mes da ciencia na Biblioteca de Galicia a través de tres obradoiros e unha peza teatral cos que achegarlle a ciencia á sociedade como unha iniciativa creativa de lecer.
Cada sábado de novembro, unha experiencia científica
A Cidade da Cultura de Galicia convértese este sábado, 11 de outubro, nun improvisado circuíto de atletismo no que unhas 900 persoas reivindicarán os beneficios do deporte para a sociedade.
A Cidade da Cultura acollerá por segundo ano consecutivo o Curso Superior de Sumiller Profesional do Instituto Galego do Viño, iniciativa coa que se pretende avanzar na profesionalización dun sector punteiro na economía galega.
Analizar os novos roles da empresa na sociedade e profundar na súa relación coa cultura e a creatividade como ferramentas transformadoras. Este será o punto de partida do programa formativo Teño unha idea e agora que?
Desenvolver o teu proxecto nunha contorna creativa, co asesoramento de expertos e cunha rede de contactos profesionais xa é posible. O Centro de Emprendemento (CEM) da Cidade da Cultura ponse ao servizo dos emprendedores para converter o seu soño nunha forma de vida.
A través dun programa de titoría e acompañamento na posta en marcha de modelos de negocio exitosos, identificación de novas oportunidades e maduración de ideas empresariais, asesoría financeira, networking e showrooms, o CEM adáptase ás túas necesidades.
A Cidade da Cultura de Galicia acolle os vindeiros 2 e 3 de outubro a VI Bienal Literal que celebra o Centro Pen Galicia. Con motivo do seu 25 aniversario, esta edición reunirá en Compostela a narradores, xornalistas, escritores, poetas, novelistas e un nutrido grupo de representantes da nosa escrita para renderlle unha grande homenaxe ás letras galegas.
A Asociación de Escritores e Escritoras en Lingua Galega (Aelg) e a Asociación Socio-Pedagóxica Galega celebran por cuarto ano as Xornadas de Literatura e Ensino, que nesta edición se centra no papel das mulleres nas letras. Baixo o título A Xeración Nós-Outr@s, a Cidade da Cultura acolle unha xornada na que participarán recoñecidas autoras como Rosa Aneiros, Inma López Silva ou Berta Dávila nun completo programa que inclúe charlas, obradoiros e mesas redondas. (Consultar o programa na zona de descargas).
A cuarta edición do Festival Internacional Peregrinos Musicais, dirixido por Javier Otero Neira, chega o 25 de setembro á Cidade da Cultura. Dedicado á promoción de novos talentos musicais galegos e rusos, este festival celebrará no Gaiás o seu cuarto concerto en Compostela, que será interpretado polos artistas seleccionados pola Fundación Vladímir Spivákov, con sé en Moscú; e pola fundación Mstislav Rostropóvic, liderada por Olga Rostropóvi, filla do cellista ruso recoñecido mundialmente polo gran público.
Este outono comeza no Gaiás xogando en familia a través da música do compositor húngaro Gyorgy Ligeti. As terceiras Xornadas de Música Contemporánea chegan un ano máis á Cidade da Cultura da man da formación de vento Zoar Ensemble e o piano de Nicasio Gradaille cun concerto pedagóxico no que poderán disfrutar grandes de pequenos.
