A Cidade da Cultura de Galicia celebrará o vindeiro 4 de marzo a sesión de Nexos cancelada en xaneiro. O aforismo e a beleza da síntese terá lugar a partir das 12:00 horas no auditorio Xosé Neira Vilas da Biblioteca e Arquivo de Galicia e contará coa presenza do profesor Jorge Wagensberg e a actuación musical da soprano Carmen Gurriarán e o pianista Pablo Seoane.
A segunda semana de Escenas do Cambio, o festival de teatro, danza e arte en acción da Cidade da Cultura estará protagonizada polo teatro galego. Chévere e Matarile celebran os seus trinta anos de historia con Cheverografías. Compostela 8717 e Antes de la metralla respectivamente.
Durante os meses de exposición da mostra Camilo José Cela 1916-2016. O centenario dun Nobel. Un libro e toda a soidade, a Cidade da Cultura puxo en marcha un programa didáctico no que escolares de toda Galicia, ademais de facer unha visita, podían participar no obradoiro de creación literaria Cóntame un conto.
Un escaparate vivo do que acontece nas artes escénicas contemporáneas. Así definiu o conselleiro de Cultura, Educación e Ordenación Universitaria, Román Rodríguez, o festival ‘Escenas do Cambio’ durante a súa inauguración, que tivo lugar esta tarde na Cidade da Cultura de Galicia.
Co gallo do centenario do nacemento de Camilo José Cela, a Cidade da Cultura acolle a presentación do libro homenaxe Mazurca para Camilo José Cela, que reúne 16 traballos sobre a figura e a obra do escritor padronés nos que se recupera a memoria do que foi un dos artífices das mellores páxinas da literatura española de todos os tempos.
O ciclo Nexos abordará o vindeiro 18 de febreiro a crise existencial de Europa nunha nova sesión deste 2017. O convidado nesta ocasión será o sociólogo e filósofo Ignacio Sánchez-Cuenca, que disertará sobre o futuro da UE e a crecente corrente euroescéptica.
A estación de tren de Compostela converteuse este sábado nun improvisado escenario teatral coa preestrea da obra A veces creo que te veo do arxentino Mariano Pensotti, coa que Escenas do Cambio, festival de teatro, danza e arte en acción da Cidade da Cultura deu comezo esta mañá.
A Cidade da Cultura de Galicia vese na obriga de suspender a primeira sesión do ciclo Nexos do ano que, baixo o título O aforismo e a beleza da síntese, estaba previsto que tivese lugar este sábado na Biblioteca e Arquivo de Galicia. A repentina cancelación débese a problemas de saúde do relator, o profesor Jorge Wagensberg, que impiden o seu desprazamento a Compostela. A cancelación afecta tanto á sesión de adultos como á de infantil.
Unha vez se coñeza a nova data, será comunicada a través de cidadecultura.gal e as diferentes redes sociais da Cidade da Cultura.
La colmena é unha das novelas indispensables da literatura española. Con más de 300 personaxes, a obra de Cela é un anaco da vida madrileña dos primeiros compases da posguerra. E tamén o primeiro tomo dunha triloxía ou tetraloxía. Ou polo menos así o concibiu o Premio Nobel cando comezou a súa escrita no ano 1945, que buscaba escribir unha serie baixo o título de Caminos inciertos e que nunca se chegou a completar.
Este martes, 17 de xaneiro, cumpríronse quince anos do falecemento de Camilo José Cela. Os seus restos descansan no cemiterio de Adina, en Iria-Flavia, na parroquia que o veu nacer e onde o Nobel pediu expresamente que o enterraran. “Declaro públicamente mi mejor deseo de fundirme con la tierra en el camposanto que rodea la antigua colegiata en la que fui bautizado”, escribiu Cela nun artigo titulado Instrucciones para el día final, publicado en Diario 16 en outubro de 1989.
