Un libro e toda a soidade é a frase escollida por Camilo José Cela (Iria Flavia-Padrón, 1916 – Madrid, 2002) para o seu ex libris, a súa marca persoal, o sinal de identidade das súas publicacións. Toda unha declaración de intencións na que afondou ao longo da súa vida e que puxo de manifesto no discurso que pronunciou ao recibir o Nobel de Literatura: “Sen unha gran soidade non se pode facer unha obra duradeira”.
A Cidade da Cultura recibíu esta tarde unha visita dun grupo de profesionais de grupos de comunicación, produtoras e empresas do mundo do cine e da televisión interesados en coñecer os diferentes espazos arquitectónicos do Gaiás para valoralos como localizacións de futuras producións audiovisuais.
A Biblioteca e o Arquivo de Galicia acaban de incorporar ao seu patrimonio documental e bibliográfico os fondos históricos doados por Manuel Banet López de Rego e por Alena Dobrkovska Kubickova. Trátase de dous mapas do século de XVII, do Reino de Galicia e mais de Bohemia, xunto cun singular exemplar da ‘Biblia’ do século XVI, escrito en castelán, e mais o incunable El libro de las propiedades de las cosas, datado do ano 1494.
Natureza, deporte e coñecemento. Este outono, a Cidade da Cultura convídate a descubrir o seu rico patrimonio natural a través duns roteiros guiados polas novas zonas verdes do complexo. Unha andaina duns 5,5 quilómetros e dúas horas de duración na que ademais de camiñar polo monte, coñecerás a flora que poboa o Monte Gaiás ao tempo que descubres características, anécdotas e lendas asociadas a cada especie.
O xurado do programa ‘Connecting for Good Galicia’ vén de seleccionar seis proxectos emprendedores de innovación social para formar parte da primeira edición do programa impulsado pola Fundación Vodafone España en colaboración con Vodafone e a Xunta de Galicia, a través da Axencia para a Modernización Tecnolóxica (Amtega) e a Consellería de Economía, Empleo e Industria, a través da Axencia Galega de Innovación (GAIN) e o Instituto Galego de Promoción Económica (IGAPE).
Tras o proceso de confirmación-renuncia á praza dos creadores seleccionados para particpar no Encontro de Artistas Novos-Córdoba, e seguindo as bases desta convocatoria, esta é a lista definitiva de artistas que participarán do 5 ao 9 de decembro no encontro de Arxentina:
Novelista, articulista, dramaturgo, poeta, académico… pero tamén editor, pintor, coleccionista ou actor. Do 19 de novembro de 2016 ao 19 de febreiro de 2017, a Cidade da Cultura acolle unha gran mostra na que descubrir as diferentes caras do único Premio Nobel de Literatura galego: Camilo José Cela.
A Consellería de Cultura, Educación e Ordenación Universitaria, a través da Fundación Cidade da Cultura e da Fundación Camilo José Cela, inaugurará o 18 de novembro no Museo Centro Gaiás a exposición máis ambiciosa realizada ata o momento sobre Cela, no que será o acto central do programa preparado para conmemorar os cen anos do seu nacemento en Iria-Flavia.
Neste 2016 cúmprense 100 anos da fundación da primeira Irmandade da Fala na Coruña. Para conmemorar tal acontecemento, a Biblioteca de Galicia organiza unha mostra bibliográfica que fai un percorrido pola historia desta institución, que tiña como fundamental obxectivo a defensa, exaltación e fomento da lingua galega.
A Consellería de Cultura, Educación e Ordenación Universitaria dá a coñecer o nome dos quince creadores españois seleccionados para participar no Encontro de Artistas Novos “Cidade da Cultura” de Arxentina, que terá lugar do 5 ao 9 de decembro na cidade de Córdoba.
