Cuerdas de Pedro Solís e a galega Einstein-Rosen, de Olga Osorio foron as curtametraxes favoritas do público que participou esta fin de semana na Cidade da Cultura na primeira edición do PequeFilmes, Festival de Cine Infantil de Galicia.
A edición foi unha das paixóns de Camilo José Cela xunto coa de coleccionista. O papel como editor e director de revistas culturais é un episodio fundamental na biografía do Nobel, tal e como pode comprobarse na exposición Camilo José Cela 1916-2016. O centenario dun Nobel. Un libro e toda a soidade, que pode visitarse no Museo Centro Gaiás ata o 19 de febreiro.
A Consellería de Cultura, Educación e Ordenación Universitaria celebrará o vindeiro 24 de xaneiro no Gaiás unha xornada na que profundar na figura, o legado e a posta en valor do patrimonio literario e iconográfico de Cela. No marco da exposición CJC 1916-2016. O centenario dun Nobel.
A súa figura, o seu legado e a súa posta en valor. A xornada Camilo José Cela. O centenario dun Nobel abordará as múltiples caras do escritor galego: novelista, articulista, dramaturgo, poeta, académico… pero tamén editor, pintor, coleccionista ou actor. No marco da exposición Camilo José Cela 1916-2016. O centenario dun Nobel.
O Día da Ilustración (30 de xaneiro) e o Día do Usuario das bibliotecas (11 de xaneiro) centran a programación que a Biblioteca de Galicia preparou para comezar o ano. Un recital poético multimedia e varios obradoiros para os máis pequenos da casa serán as primeiras actividades do 2017.
Ao longo da súa vida, Camilo José Cela pasou por numerosas situacións pouco comúns. Nunha partida de cartas gañoulle un ollo de vidro a un tratante de burros portugués, na película Manicomio de Fernando Fernán-Gómez saía comendo herba dun floreiro, copiou a man o manuscrito de La Familia de Pascual Duarte… e chegou a pasar unha noite no cárcere.
A Consellería de Cultura, Educación e Ordenación Universitaria celebra a fin de semana do 14 e 15 de xaneiro na Cidade da Cultura, o festival infantil de curtas PequeFilmes, dirixido a rapaces de entre 5 e 12 anos. Un total de 40 curtametraxes proxectaranse durante estes dous días no Museo Centro Gaiás, no que tamén se levarán a cabo unha serie de obradoiros formativos cos que os cativos descubrirán de primeira man o funcionamento do cine de animación.
Para conmemorar o Día do Usuario das Bibliotecas, que se clebra o 11 de xaneiro, Yolanda Castaño, un dos rostros máis coñecidos da poesía galega, ofrécenos un novo e atractivo xeito de comunicar os seus versos, facéndoos dialogar coa linguaxe audiovisual e as novas tecnoloxías. Unha moderna posta en escena, capaz de conectar con públicos pouco versados no xénero poético. Un recitado de textos acompañado de proxección de breves vídeopoemas e bases musicais.
Camilo José Cela coñeceu, tratou e mesmo trabou amizade con grandes nomes das letras españolas e internacionais. Mantivo contacto con todos os escritores da diáspora, de Alberti a Eduardo Blanco Amor; compartiu mesa e mantel con John dos Passos, Ernest Hemingway ou Arthur Miller; editou a todos os autores en activo da súa época –a excepción de Delibes- e coñeceu a practicamente toda a Xeración do 27. A todos excepto un: Federico García Lorca. Sen dúbida, xunto con Pío Baroja, o escritor favorito do Nobel galego e cuxas obras pasan a ser de dominio público neste 2017.
Os máis pequenos da casa terán este mes de xaneiro no Gaiás o seu propio festival de cine: Pequefilmes, con proxeccións, votacións, premios do público e obradoiros cos que descubrir a maxia da séptima arte.
