A Cidade da Cultura acolleu a presentación dos proxectos impulsados na terceira edición do coworking 'Go2Work', impulsado polo Igape e a Escola de Organización Industrial (EOI), na que se achegou formación e asesoramento para o desenvolvemento dun total de 17 proxectos.
A derradeira leición do mestre —obra icónica de Alfonso Daniel Rodríguez Castelao e considerada o ‘Guernica galego’— foi descolgada e embalada por técnicos especialistas para iniciar o procedemento de traslado desde o Centro Galicia de Buenos Aires a Galicia, onde se exhibirá por vez primeira na Cidade da Cultura —do 5 de outubro de 2018 ao 3 de marzo de 2019— como eixe central de Castelao maxistral, exposición homenaxe ao papel que xogaron
Víctor Manuel, Rosa Cedrón e Vicky Gastelo estiveron o pasado venres, día 21, na Cidade da Cultura para arroupar a Emilio Rúa no primeiro concerto de presentación de Duetos, o seu último disco. Foi unha actuación especial na que se puido gozar en vivo das voces de tres dos artistas que participaron no álbum, e que cantarán en galego a dúo co músico ourensán.
A Cidade da Cultura de Galicia será sede no mes de novembro do Campionato Mundial de Xadrez das categorías sub-8, sub-10 e sub-12, evento que reunirá do 3 ao 16 de novembro a máis de 800 novas promesas deste deporte no Gaiás.
A Fundación Cidade da Cultura de Galicia convoca a sexta edición dos premios Emprende Gaiás-Sixto Seco, concurso que impulsa o desenvolvemento de ideas emprendedoras relacionadas coas industrias culturais en Galicia. Nesta edición, os premios repártense en dúas categorías: proxectos en internet e desenvolvemento de aplicacións informáticas no sector cultural e proxectos relacionados co deseño, a xestión cultural e a creación artística e plástica.
A Cidade da Cultura acolleu a tarde de hoxe a XV Romaría Coral galega, o evento máis importante en Galicia deste xénero musical, ao reunir preto de 800 voces na Praza Central do Gaiás, procedentes de 34 agrupacións. Todas elas entoaron de maneira conxunta pezas do cancioneiro popular galego e internacional, obras de autores clásicos e, como alfinete de ouro, remataron interpretando o Himno galego, acompañados pola Banda Municipal de Música de Santiago.
A Xunta de Galicia trae por vez primeira a Galicia A derradeira leición do mestre —obra icónica de Alfonso Daniel Rodríguez Castelao e considerada o ‘Guernica galego’— como eixo central da exposición Castelao maxistral, da Cidade da Cultura de Galicia. A mostra, que se exhibirá no Museo Centro Gaiás do 5 de outubro de 2018 ao 3 de marzo de 2019, prantéxase como unha homenaxe ao papel que xogaron na construción do ensino público os mestres e mestras das tres primeiras décadas do século pasado (1900-1936).
A Cidade da Cultura despide o Verán no Gaiás cun concerto especial de Emilio Rúa, músico e compositor de Ourense que presenta novo disco ao público o próximo 21 de setembro.
Emprazamentos inusuais, novas vías de financiamento e un firme compromiso coa sustentabilidade, a descentralización cultural e as novas tecnoloxías como cartas de presentación de catro proxectos consolidados e con vocación de futuro. Coñeceremos as particularidades de cada un deles da man dos seus responsables e debateremos sobre o panorama internacional, analizando os retos ao que han de enfrontarse a diario para chegar ao seu público específico.
Participan:
O hipertexto, o código e os algoritmos deron lugar a un novo universo estético baseado no que Byung-Chul Han denominou “o pulido”, é dicir, unha mirada que non dana e non ofrece resistencia, na que o belo natural hase atrofiado no liso e pulido do belo dixital. A verdade foi substituida pola nudez do dato, que se erixe como o novo logos do que algúns decidiron chamar teocracia computacional. Abordaremos os sistemas complexos de datos e como estes son transformados mediante visual data en formas/soluciones funcionais e lexibles para o espectador.
Participan:
