Vivimos en sociedades complexas, plurais e en constante cambio. A cultura contemporánea é a cada paso máis mestiza. Para descifrar as claves e tendencias de hoxe precisamos dunha visión panorámica que supere as vellas fronteiras do saber, conxugando a un tempo os enfoques científico e humanístico.

O ciclo de cultura contemporánea Nexos regresa en 2015 da man de Marcos Lorenzo, propoñendo desta vez un diálogo entre áreas do coñecemento tan diversas como a filosofía, a poesía, a arquitectura, a arte contemporánea, a narrativa e a gastronomía. 

Emprender unha viaxe que nos devolva ao minuto un, ao xermolo, á causa primixenia dun fenómeno histórico e cultural que perdura ata os nosos días: o da peregrinación. Este é o convite que realiza a Cidade da Cultura de Galicia coa exposición Camiño. A Orixe, un proxecto dirixido por María García-Alén e que presenta unha selección de 150 obras de arte e once intervencións artísticas que ofrecen unha visión contemporánea da ruta xacobea.

A Biblioteca de Galicia quere celebrar o Día Internacional da música e o 130 aniversario do nacemento de Vicente Risco aunando música e literatura nun mesmo escenario. Será coa actuación de Xardín Desordenado, reunión de músicos que desde o 2009 ven musicando poetas galegos.

A Cidade da Cultura de Galicia acolle esta tarde, entre as actividades do I Foro Iberoamericano de Educación y Cultura en la Era Digital (Fieced) un concerto pedagóxico da man de Ara Malikian e Fernando Egozcue. Dous músicos cunha longa relación de máis de 15 anos que unen os seus talentos no escenario para interpretar obras dos dous álbumes que gravaron xuntos: Lejos e Con los ojos cerrados.

Ana Soler propón en Flywaterbags ollar a través da auga para descubrir outra realidade. Reivindicar outras visións, outros mundos da auga, ollando a través dese fluído aparentemente transparente pero que, embolsada, se volve lente deformadora.

Aproveitando o carácter bipolar das Torres Hejduk, Flywaterbags ofrece unha visión dicotómica do uso da auga a través de dúas instalacións contrapostas nas que o fluído se converte en lente clarificadora e deformadora ao mesmo tempo.

O país dos mil ríos, de néboas literarias e nubes reais, de eternas borrascas e paisaxes húmidas, rica en augas do lecer e da saúde… Galicia é auga doce. Un elemento definidor da súa identidade e ao mesmo tempo tantas veces esquecido no noso universo cultural tras a poderosa omnipresenza do Atlántico. Desta realidade nace Auga Doce, unha exposición multidisciplinar que nos convida a mirar a través da ollada prestada dos artistas e redescubrir a beleza infinita e universal da auga.

Música, teatro, xogos, obradoiros, concursos… Este Nadal, a Cidade da Cultura quere celebralo cun programa co que deixarse levar pola imaxinación e darlle renda solta á creatividade

As III Xornadas Literatura e Ensino. Versos pintados no pupitre da Asociación de Escritores en Lingua Galega (AELG) e a Asociación Socio-Pedagóxica Galega (AS-PG) terá lugar o 13 e 14 de decembro na Biblioteca e Arquivo da Cidade da Cultura de Galicia.

Programa

Venres 13

16:30 | Entrega de material

17:00 | Conferencia : Poesía para xente miúda. Música e xogo de palabras. Xosé María Álvarez Cáccamo.

O Foro Internacional de Espazos para a Cultura volve á Cidade da Cultura os días 15 e 16 de novembro de 2013  baixo o título A Revolución dos Festivais Artísticos, que centrará a súa atención na capacidadede transformadora de certos eventos sobre unha cidade e a súa comunidade.

O 17 de maio, fai unha escapada ao Gaiás e goza Día das Letras galegas con teatro, música, unha mostra bibliográfica e actividades infantís.

Manuel Manquiña será o encargado de recordar a figura do homenaxeado este ano no Día das Letras Galegas coa lectura do manifesto de Roberto Vidal Bolaño “Teatro do aquí” e a interpretación dunha pasaxe da obra “Días sen gloria” de Vidal Bolaño, estreada neste mes de abril no Salón Teatro baixo a dirección de Fefa Noia.