SINOPSE

Hai homes coma espantallos e espantallos coma homes. O protagonista desta obra ten un corazón de pexego, morno e bo coma os seus feitos.

Esta é a historia dun espantallo que en vez de espantar os merlos, faise amigo dos animais e dos rapaces. Un día, para defender unha figueira das peteiradas voraces dos merlos, o tío Ramón de Rebordena colle a machada, corta uns casqueiros miúdos de pino manso, átaos a un vimbio e fai unha cruz. Despois vai enchendo aquel esqueleto con palla, ponlle un melón no sitio da cabeza e acaba por vestilo cunha chaqueta e uns pantalóns remendados. Ata lle mete dúas cereixas nos ollos e un pexego no sitio do corazón. Así naceu Espantallo.