Cidades no tempo

Cidades no tempo é un gran proxecto expositivo que abrangue as sete principais cidades galegas, converténdose en sete mostras singulares que comparten estrutura. A iniciativa é froito da colaboración entre a Xunta de Galicia, a través da Fundación Cidade da Cultura, e a Afundación (Obra Social ABANCA), no marco da programación do Xacobeo 21•22.

O seu percorrido comezará na sede de Afundación en Santiago de Compostela, para continuar polos distintos espazos da entidade en Ferrol, Lugo, A Coruña, Vigo, Pontevedra e Ourense durante este 2022 e estendéndose ao 2023 e 2024. O obxectivo da mostra é reivindicar a Galicia urbana como compoñente clave da identidade e cultura galegas, cun legado que se remonta séculos na historia. Así, explora a interacción entre o urbanismo, a sociedade e o territorio que conforman as distintas urbes, mostrando o específico de cada unha delas pero tamén a súa conexión. Estética, economía, creación artística, educación, a memoria e os imaxinarios locais contribúen a facer visible a cidade como un amplo sistema interconectado.

Á fronte da exposición está Manuel Gago, doutor en Ciencias da Comunicación e director de culturagalega.gal do Consello da Cultura Galega, ademais de ser o responsable dunha das mostras con máis visitantes do Gaiás, Galicia, un relato no mundo. Pero, ademais do comisario, a iniciativa implica a un extenso equipo de traballo, conformado por recoñecidos expertos en diversos eidos como a Xeografía, a Antropoloxía, a Arquitectura ou a Historia da Arte, entre outras disciplinas. En total, entre os comités asesores e os coordinadores locais, a organización do proxecto implica directamente a máis de 60 persoas.

A través da combinación entre obxectos e materiais físicos e tecnoloxías interactivas, a exposición propón unha experiencia multimedia de descubrimento das orixes agochadas ou esquecidas das culturas urbanas.

As características desta exposición, tanto polo percorrido que fai por toda Galicia adaptándose a cada cidade, como pola aplicación da tecnoloxía e o factor humano que participa da súa posta en marcha, fan dela un dos proxectos expositivos de maior complexidade técnica impulsados pola Xunta de Galicia nos últimos tempos.

SANTIAGO DE COMPOSTELA, preme na imaxe para máis información:

"SANTIAGO DE COMPOSTELA NO TEMPO"

ATA O 10 DE SETEMBRO DE 2022 | REMATADA

SEDE AFUNDACIÓN (Rúa do Vilar, 19)

SANTIAGO DE COMPOSTELA 


FERROL (proximamente)

"FERROL NO TEMPO"

DENDE NOVEMBRO 2022 A 28 XANEIRO 2023

SEDE AFUNDACIÓN (Plaza Constitución s/n)

FERROL



 
Exposicións
 
27 Set - 18 Dec de 2022
De 10.00 a 20.00 horas
De martes a domingo
16 a 20 h | Sáb-Dom e festivos tamén de 11 a 14.30 h
21 Out 2022 - 17 Abr 2023
De martes a domingo | De 10 a 20 h
11 Nov 2022 — 9 Abr 2023
De martes a domingo | De 10 a 20 h
De Nov 2022 a Mai 2023
De 9.00 a 21.00 horas
18 Nov 2022 a 28 Xan 2023
De 11.00 a 20.00 horas
21 Nov 2022 a Xan 2023
De 9.00 a 21.00 horas