A segunda cita de Ópticas contemporáneas, o ciclo impulsado pola Consellería de Cultura, Lingua e Xuventude, propón ao público unha experiencia sonora e visual que reflexiona sobre cuestións actuais abordadas pola antropoloxía e as ciencias sociais.
A Biblioteca de Galicia celebra o Día das Bibliotecas coa representación teatral Carapuñiña vermella no faiado. Un espectáculo de público familiar da compañía Teatro do Andamio.
A Xunta de Galicia lanza unha audioguía para dispositivos móbiles destinada a facer máis accesible a visita ás exposicións do Museo Gaiás, tamén para as persoas con dificultade auditiva, ao incorporar explicacións en lingua de signos. Esta app está dispoñible polo momento para a mostra Unha vida viquinga e inclúe tamén audio e texto en tres idiomas.
A Xunta de Galicia fomenta alternativas de lecer cultural para as familias con Zapaburu. Unha actividade que chega por primeira vez a Galicia na que a arte xa non se enfoca exclusivamente desde unha perspectiva didáctica, senón que se transforma nun espazo para experimentar con todos os sentidos as distintas pezas que compoñen a instalación. O seu obxectivo é estimular a creatividade na primeira infancia e facer dos museos un lugar accesible para os nenos e nenas.
Unha conversa fantástica. Alba Rozas (Lalín, 1988) visita a Biblioteca de Galicia, en conmemoración do Día das Escritoras, para percorrer os sendeiros da literatura fantástica escrita por mulleres. Foron moitas as autoras que, ao longo da historia, sentiron paixón polo extraordinario. Mundos novos, historias que van máis alá do tanxible, a maxia en simbiose co cotiá.
«Téxtil suspendido é, en realidade, resultado da miña propia traxectoria e evolución como artista». Conta a deseñadora María Barros, beneficiaria dunha das catro axudas REGA 2024 á creación artística da Cidade da Cultura. Desde sempre, a súa idea da moda está ligada á expresión artística.
[AVISO: ENTRADAS ESGOTADAS]
E se en vez de aprender sobre a arte tentamos experimentala? ZAPABURU é un proxecto creativo e sensorial destinado á primeira infancia que busca a conexión emocional e a diversión a través da experiencia artística. Nesta instalación, a arte tócase, úlese, escóitase ou camíñase.
Un ano máis, o ciclo Ópticas contemporáneas non esquece o público miúdo coa organización dos obradoiros infantís Ópticas para a cativada.
Este mes de setembro comezan o seu traballo na Cidade da Cultura os catro novos proxectos beneficiarios das Axudas REGA 2024, promovidas pola Xunta de Galicia dentro do Programa de Residencias Artísticas do Gaiás. A representación do colectivo LGBTI+ dentro das culturas galega e portuguesa, o acceso á vivenda, a aplicación das técnicas da alta costura á creación de esculturas téxtiles, e a transformación de mapas en música son os temas centrais das propostas seleccionadas.
O primeiro concerto do ciclo Ópticas contemporáneas, organizado pola Xunta de Galicia a través da Fundación Cidade da Cultura, liga este domingo os sons dos devanceiros coa composición contemporánea. A actuación reúne o ensemble Música Práctica co multiinstrumentista e luthier Abraham Cupeiro, convidado de honra para interpretar por primeira vez en Galicia a obra A constelación de Saxitario, composta especificamente para el polo compostelán Fernando Buide.
