A Cidade da Cultura de Galicia acolle este mércores un recital do poeta sirio Ali Ahmad Saíd Esber (ADONIS) promovido pola Consellería de Cultura, Educación e Ordenación Universitaria en colaboración co Centro PEN Galicia e mais coa Asociación de Escritores en Lingua Galega.
O conselleiro de Cultura, Educación e Ordenación Universitaria, Xesús Vázquez Abad, presentou hoxe na Cidade da Cultura a exposición Arquivo de Galicia. O noso patrimonio, unha mostra coa que se conmemora o Día Mundial dos Arquivos. O conselleiro afirmou que con esta intervención “preténdese conseguir que o público sexa consciente da necesidade de conservar estes centros a longo prazo, facilitar o seu acceso e mostrar documentos únicos e extraordinarios”.
Alza a túa voz, non o nivel do mar. O cambio climático é o protagonista do Día Mundial do Medio Ambiente que celebramos hoxe en todo o planeta coa auga e a nociva acción humana como telón de fondo.
Baixo o lema Galicia é auga, a Cidade da Cultura convídate a subir imaxes que recollan a arte que se agocha na auga doce que baña Galicia: da choiva aos ríos, das fontes ás augas termais. As seis mellores fotos elixidas por un xurado profesional e a que consiga máis votos de facebook de entre todas as subidas conseguirán unha fin de semana termal grazas a Balnearios de Galicia e aventuras en kaiak pola Ribeira Sacra por cortesía de Coca Cola.
A Cidade da Cultura celebra o 21 de xuño o Día da Música, cun concerto a cargo da Real Filharmonía de Galicia dirixida por Oliver Díaz, Javier Otero como piano solista e a estrea absoluta de Auga Doce, a tocatta para piano e orquestra composta por Juan Durán para a exposición homónima.
O vindeiro 5 de xuño celébrase en todo o mundo o Día do Medio Ambiente e a Cidade da Cultura convídate a facelo no Museo Centro Gaiás. Será o sábado 7 de xuño cunha programación especial, patrocinada por Gas Natural Fenosa, e que inclúe unha xornada de portas abertas coa que reflexionar sobre a importancia da auga e as ameazas que afectan á contorna natural que nos rodea.
A Biblioteca de Galicia homenaxe a Xosé María Díaz Castro a través de Nimbos, recital poético-musical co Grupo Ouriol con poemas do autor lucense, unha poesía sentida e lúcida que enraíza no ser máis sutil do ser humano e que expresa asemade unha fonda preocupación polo espertar dunha conciencia colectiva.
A Consellería de Cultura, Educación e Ordenación Universitaria convida a celebrar o Día do Medio Ambiente no Museo Centro Gaiás con Rebufaplanetes, un espectáculo de Pep Bou co que descubrir a beleza que se esconde nas pompas de xabón.
Con motivo da celebración do Día Mundial do Medio Ambiente, o Museo Centro Gaiás, en colaboración con Gas Natural Fenosa, trae a Santiago o espectáculo Rebufaplanetes de Pep Bou para descubrir a beleza que agocha unha gran pompa de xabón.
Telefónica, en colaboración coa Xunta, pon en marcha Galicia Open Future, unha iniciativa para potenciar o emprendemento innovador na comunidade, integrado na rede Open Future da multinacional, que ofrecerá os seus recursos e ferramentas para o desenvolvemento 50 proxectos empresariais innovadores. Os seleccionados se beneficiarán, ademais, do Programa de Incentivos á Excelencia Innovadora en materia TIC da Xunta que conta cun orzamento de 750.000 euros.
