Un espectáculo musical en verso, áxil, atrevido e inspirador. Os contos de Lobicán, de Redrum Teatro e recente gañador do Premio María Casares de Monicreques e Obxectos Animados, chega á Biblioteca de Galicia con motivo do Día Internacional do Libro Infantil e Xuvenil. 

Esta proposta escénica, cun texto de Eva Mejuto que foi gañador do XV Premio Barriga Verde 2022, dálle unha volta aos contos clásicos para transmitir valores universais como a cooperación, a amizade, o respecto pola natureza, o pensamento crítico e a importancia da imaxinación.

Rafael Úbeda leva pintando sete décadas. A exposición Úbeda. Visión retrospectiva abrangue unha ollada completa da súa traxectoria creativa, afondando nos fitos máis relevantes da súa obra e das pezas representativas que marcaron cada etapa do camiño. 

Residencias Paraíso é un programa de residencias artísticas impulsado polo Colectivo RPM co financiamento da Xunta de Galicia, a través da Axencia Galega das Industrias Culturais, e das distintas institucións coprodutoras do programa, entre elas a Fundación Cidade da Cultura, que acompaña o desenvolvemento de proxectos de artistas galegas, estatais e portuguesas vinculadas á danza e as artes vivas.

Con motivo da celebración do Día Internacional do Libro Infantil e Xuvenil este 2 de abril, a Biblioteca de Galicia agasallará bolsiñas de libros sorpresa a toda os nenos e nenas que se acheguen ata as súas instalacións, ata esgotar existencias.

Tras o seu paso polo Museo Centro Gaiás, a exposición Outras historias posibles viaxe a Pontevedra no marco das itinerancias da Cidade da Cultura. A mostra poderá visitarse no Café Moderno Afundación ata o 30 de maio e conta con 56 pezas e máis de 40 documentos.

As axudas REGA para o desenvolvemento de residencias artísticas na Cidade da Cultura abren a súa cuarta convocatoria con dúas novidades importantes: Primeiro, amplíase ata seis o número proxectos beneficiarios das axudas, e tamén, incorpórase a disciplina das artes dixitais ás xa contempladas noutras edicións: artes visuais, escénicas, música e deseño. No caso das artes escénicas, concederanse un máximo de dúas axudas.

A Vía da Prata. Aires do Sur intérnase nas rutas xacobeas a través da mirada fotográfica, propoñendo un percorrido desde Sevilla a Santiago de Compostela, a través de 150 anos de historia da fotografía. A exposición convídanos a reflexionar sobre a soidade, a distancia e o paso do tempo a través dun diálogo entre a fotografía do pasado e miradas máis contemporáneas.

Un obradoiro para que a cativada poida converterse en investigadores do seu propio laboratorio de formas. Con motivo do Día das Artes Galegas, dedicado este ano a Isaac Díaz Pardo, a Biblioteca de Galicia organiza o obradoiro Isaac Díaz Pardo. Un laboratorio de ideas para estimular a creatividade da cativada da man do ilustrador Yago García.

A exposición Outras historias posibles, que o Museo Centro Gaiás acolleu entre maio de 2024 e xaneiro de 2025, pode visitarse tamén en liña a través dunha completa visita virtual.