Desta vez non imos mirar cara á Cidade da Cultura senón desde a Cidade da Cultura: como todos os montes, o Gaiás ofrécenos todo un conxunto de miradoiros que nos dan a oportunidade de contemplar vértices xeodésicos, torres centenarias, niños de dragón ou colexiatas retortas.
Entre foto de paisaxe e foto de paisaxe (acordádevos de levar batería no móbil!) tamén vos contaremos historias sobre algúns dos fitos que se deixan ver dende as alturas do Gaiás.
A Cidade da Cultura volve acoller dentro do seu programa de Residencias Artísticas do Gaiás unha nova creación en colaboración co Festival RESIS de Música Contemporánea. Karst é o nome do proxecto no que están a traballar o compositor Hugo Gómez-Chao e a deseñadora de moda e arquitecta Raquel Buj, unha proposta que hibrida música, danza e investigación biomaterial e que se materializará nun concerto e instalación artística, ambos conectados, na igrexa de Santo Domingo de Bonaval, o xoves 22 de maio.
Narración oral, música, obxectos e novas tecnoloxías para exaltar a herdanza de todas as mulleres homenaxeadas no Día das Letras Galegas ao longo do tempo.
"Canta compañeira canta canta compañeira canta que a min sempre me gustou oíla túa garganta"
O director xeral de Cultura, Anxo M. Lorenzo, inaugurou hoxe na Biblioteca de Galicia Tesoureiras do noso, a mostra que, con motivo do Día das Letras Galegas, homenaxea a todas as mulleres que mantiveron viva a poesía oral tradicional.
O conselleiro de Cultura, Lingua e Xuventude, José López Campos, avanzou esta mañá o programa da IV edición do Serán, Encontro Galego de Cultura Popular, un evento protagonizado pola nosa música e baile tradicional que regresa ao Gaiás no marco da programación das Letras Galegas. Entre o 20 e o 22 de xuño, o Serán’04 reunirá na Cidade da Cultura ata un milleiro de artistas e intérpretes e 40 agrupacións de baile, canto e pandeireta.
BORIS SAVELEV. Viewfinder, unha forma de mirar é a retrospectiva máis ampla realizada ata agora do fotógrafo Boris Savelev (Chernivtsi, Ucraína, 1947), artista premiado en PHotoEspaña 2024 cuxa mirada se forxou na Unión Soviética nos anos 70. Foi aló, primeiro como parte do prestixioso club Novator e máis adiante como freelance para publicacións rusas e estranxeiras, onde comezou a capturar instantáneas á marxe dos temas preestablecidos e as ríxidas regras estéticas do sindicato oficial de fotógrafos.
A Xunta de Galicia anuncia a celebración da sétima edición da carreira Holi Gaiás o vindeiro 7 de xuño. A actividade deportiva e non competitiva, que se desenvolve nunha contorna natural, abre as súas inscricións na web da Federación Galega de Atletismo. Ademais, a cativada menor de 10 anos poderá participar do evento nunha Peque Holi chea de cor.
O festival Escenas do cambio, impulsado pola Consellería de Cultura, Lingua e Xuventude, pecha a súa undécima edición esta fin de semana con dúas estreas singulares. Hoxe sábado, no Gaiás poderá verse por primeira vez en España o espectáculo de danza Exposure, unha obra que reúne o talento de catro países: Cuba, Alemaña, Bélxica e Australia. O domingo será unha das artistas galegas máis internacionais, Mercedes Peón, quen presente unha nova creación audiovisual pensada para ser experimentada a través das pantallas de ordenadores e dispositivos móbiles.
Este verán no Gaiás súmate á tribo do Re—: onde a rapazada aprenderá a re-utilizar o que xa non serve, a re-imaxinar futuros novos, a re-conectar coa natureza... e levará para a casa os petos ateigados de experiencias divertidas. Un campamento urbano de verán no que van querer re-petir!
