Un ano máis a Biblioteca de Galicia únese á celebración do Día do Libro cunha proposta que trata de achegar o funcionamento da institución ao público, abrindo as súas portas a unhas visitas guiadas que percorren lugares das instalacións ás que non se pode acceder normalmente. Ademais haberá agasallo de libros sorpresa para as persoas usuarias que se acheguen durante esta xornada á Biblioteca ata esgotar existencias.
Visitas guiadas
Un quilo de fariña, un puñado de sal, un chorro de pintura e unha boa historia son os ingredientes necesarios para gozar do obradoiro Coas mans na masa.
A maior e máis completa exposición sobre o mundo da tatuaxe pecha as súas portas este domingo 20 de abril no Museo Centro Gaiás logo de ter recibido preto de 35.000 visitas. Inaugurada a finais do pasado outubro pola Consellería de Cultura, Lingua e Xuventude e producida co musée du quai Branly – Jacques Chirac de París e a colaboración da Fundación “la Caixa”, Tattoo. Arte baixo a pel permitiu ao público galego descubrir aspectos artísticos e curiosidades históricas para comprender a relevancia cultural e social dunha práctica milenaria.
O conselleiro de Cultura, Lingua e Xuventude, José López Campos, e o director xerente de Afundación, a Obra Social de ABANCA, Pedro Otero, presentaron esta mañá a itinerancia da instalación inmersiva Hábitats. Natureza estendida, que abrirá as súas portas na sede de Afundación na Coruña o vindeiro día 24 de abril. López Campos apuntou “a importancia de levar Hábitats a outras localidades de Galicia máis alá da súa instalación orixinal na Cidade da Cultura, para que todas as galegas e galegos poidan vivir esta aventura dixital centrada na biodiversidade do planeta”.
Percorrido guiado polo persoal especializado do Museo Centro Gaiás no que poderás achegarte á traxectoria vital e artística de Rafael Úbeda, un dos pintores galegos máis recoñecidos dos últimos tempos. A mostra Rafael Úbeda. Visión retrospectiva abrangue unha ollada completa da súa traxectoria creativa, afondando nos fitos máis relevantes da súa obra e das pezas representativas que marcaron cada etapa do camiño.
A experiencia inmersiva Hábitats. Natureza estendida chega este mes de abril á cidade da Coruña. Unha aventura dixital que explora a diversidade dos ecosistemas do noso planeta atravesando os cinco continentes. A través de oito destinos, poderemos interactuar con espazos, animais e plantas recreadas grazas ás tecnoloxías de realidade virtual e aumentada cun nivel de detalle asombroso.
O conselleiro de Cultura, Lingua e Xuventude, José López Campos, inaugurou no Museo Centro Gaiás a exposición Rafael Úbeda. Visión retrospectiva. A mostra abrangue as máis de sete décadas de traxectoria de Rafael Úbeda (Pontevedra, 1932), que, aos seus 93 anos, presenta unha das grandes exposicións da súa vida, que poderá visitarse ata o vindeiro 7 de setembro.
Queres descubrir o Gaiás con outra mirada? Achegámonos á arquitectura, espazos naturais e funcionamento da Cidade da Cultura cunhas visitas monográficas para afondar nun espazo diferente en cada quenda, incluíndo lugares habitualmente restrinxidos ao público.
O conselleiro de Cultura, Lingua e Xuventude, José López Campos, e o director xerente de Afundación, a obra social ABANCA, Pedro Otero, inauguraron esta mañá a exposición Outras historias posibles no Café Moderno Afundación de Pontevedra. A proposta promove unha mirada máis diversa sobre a arte contemporánea galega ao reivindicar as traxectorias de seis destacadas creadoras: Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré. Comisariada por Susana Cendán, quen tamén estivo na inauguración, a mostra poderá visitarse ata o 30 de maio.
No marco da exposición Tattoo. Arte baixo a pel, que pecha as súas portas no Museo Centro Gaiás a finais deste mes de abril, a Cidade da Cultura organiza o sábado, día 12, unha xornada especial de obradoiros dirixidos á cativada. Convidamos ás pequenas e aos pequenos a mergullarse nun mundo de aventuras, debuxos e símbolos máxicos para achegarse á historia e a evolución artística da tatuaxe. Estes obradoiros son como capítulos dun conto que se escribe con tinta, imaxinación...
