Cando Castelao morre en 1950, vivíanse uns tempos nos que non era posible chorar a súa perda. Daquelas, o dramaturgo Daniel Varela Buxán decide render, nun acto privado diante da súa veciñanza, a súa particular homenaxe ao rianxeiro. Agora, a compañía Fantoches Baj recrea esa escena adaptándoa á cativada para achegalos á figura de Castelao a través do teatro de marionetas de fío, narración oral e teatro de máscaras. Así, con motivo do Día do Teatro, a Biblioteca de Galicia trae a estrea absoluta da obra Castelao.

Escenas do cambio aposta este ano máis ca nunca por transcender os límites físicos de territorios e escenarios para a creación escénica de vangarda. Do 8 ao 11 de maio, o festival convoca na Cidade da Cultura e o Salón Teatro a artistas procedentes de oito países (España, Alemaña, Australia, Bélxica, Corea do Sur, Cuba, Portugal e Suíza) para dar forma a unha programación composta por 15 espectáculos que hibridan danza, teatro, música e artes vivas.

>> NOVA DATA: domingo 30 de marzo: Por mor da previsión meteorolóxica, a andaina inicialmente prevista para o 23 de marzo adíase ao seguinte domingo, 30 de marzo <<

Os contos, ás veces, son coma as cereixas, cando botas un á boca parece imposible deixar de botar máis. En conmemoración polo Día da Narración Oral, Vero Rilo e Atenea García traen á Biblioteca de Galicia o espectáculo Bailan as vellas. Os contos das cereixas.

O Gaiás convértese por décimo quinto ano consecutivo nun espazo de encontro no que creadores e creadoras emerxentes teñen a oportunidade de dar a coñecer os seus traballos e debater ao redor da arte contemporánea durante catro días de convivencia e intercambio de coñecementos e ideas con outros axentes culturais. Chega o XV Encontro de Artistas Novos, #EAN15, que se celebra do 24 ao 28 de agosto de 2025, coordinado unha edición máis por Rafael Doctor.

Queres aprender a crear unha banda deseñada? Este obradoiro da Biblioteca de Galicia en conmemoración polo Día do Cómic achéganos ao proceso de elaboración dende 0 dunha narrativa ilustrada da man de Paula Mayor, autora de 'Rosalía Oculta', que foi premio Castelao de banda deseñada en 2023.