E se levamos as cantareiras ao teatro?

Neste obradoiro da Biblioteca de Galicia con motivo das Letras Galegas 2025 a cativada aprenderá a realizar un diorama, que é a representación tridimensional dunha escena, a partir de cantigas e poemas. 

Esta técnica para a creación dun pequeno teatro permite conectar disciplinas como as artes visuais, a literatura, a dramaturxia e a música. Así, os nenos e nenas poderán crear o seu propio escenario para narrar unha historia convertendo unha caixa de cartón nunha auténtica peza artística. 

Plastic biontes é unha intervención nas Torres Hejduk que pretende un diálogo, a través do lixo, entre a Cidade da Cultura e a cidade de Santiago. As torres como faros, como puntos de referencia social, como símbolos que unen a historia, a memoria e a posibilidade dun futuro aínda por imaxinar e construír. 

Castelao. Mirar por Galicia representa a experiencia de arte dixital máis avanzada ata o momento ao redor de Alfonso Daniel Rodríguez Castelao, un percorrido para atravesar o devir persoal, literario, artístico e político dunha das figuras máis senlleiras da historia de Galicia.

O noso baile e música de raíz volven ateigar a Cidade da Cultura no Serán'04.

A creación de escolas de debuxo a partir de finais do século XVIII foi un fenómeno común a toda Europa. Estas escolas contribuíron non só á formación de artistas e obreiros, senón tamén á formación integral e harmónica dos individuos, educando a mirada e espertando neles un sentido estético.

Que acontece cando a pintura e a música se miran fronte a fronte?

No corazón verde do Monte Gaiás agroman as sete herbas de San Xoán e moitas outras compañeiras silvestres. Neste espazo único, onde natureza e cultura se dan a man, propoñémosvos un percorrido sensorial e simbólico para redescubrir esta tradición fondamente enraizada en Galicia. Vinde camiñar o monte connosco para identificar as herbas, coñecer o seu uso, o seu significado e a súa forza ancestral, nun diálogo co territorio e co tempo.

Achégate ao Bosque de Galicia, un lugar onde natureza e arte dialogan en harmonía, creando unha experiencia única e emocionante. Nas abas do monte Gaiás agóchase un espazo de árbores autóctonas e instalacións artísticas que espertan os sentidos e convidan á reflexión. Cada paso polo bosque transforma o camiñar nun percorrido simbólico, íntimo e colectivo.