O conselleiro de Cultura, Educación e Ordenación Universitaria en funcións, Román Rodríguez, destacou o “talento, esforzo e valentía” dos gañadores dos VI Premios Emprende Gaiás Sixto Seco, certame co que a Xunta, a través da Fundación Cidade da Cultura, favorece o emprendemento no eidos das industrias culturais en Galicia.
A celebración de Womex a pasada semana en Santiago de Compostela confirmou a calidade técnica e o talento artístico do sector musical galego diante dos 2.400 profesionais chegados desde 95 países para participar durante cinco días no meirande mercado internacional da ‘world music’.
A Consellería de Cultura, Educación e Ordenación Universitaria anuncia que o proxecto A través dun horizonte sen corpo de Fredy Solano vén de ser elixido como gañador da IV Convocatoria de Intervencións Artísticas nas Torres Hejduk, certame organizado pola Fundación Cidade da Cultura de Galicia e aberto a todos os participantes no VI Encontro de Artistas Novos. O artista, de orixe salvadoreño pero residente actualmente en Vigo, plasmará no Gaiás o seu concepto da arte como ocupación e intervención do espazo público.
O presidente da Xunta en funcións, Alberto Núñez Feijóo, referiuse á Feira Womex como unha nova oportunidade para amosarnos ao exterior e deixar que Europa e o mundo se amosen en Galicia, que desde este mércores e ata o domingo 23 de outubro se converterá na capital da música internacional.
A Consellería de Cultura, Educación e Ordenación Universitaria, a través da Fundación Cidade da Cultura, inaugurou onte en Arxentina a mostra José Suárez. Unos ojos vivos que piensan, a maior exposición realizada ata o momento sobre este fotógrafo de Allariz, considerado un dos grandes nomes da fotografía do século XX.
A Biblioteca de Galicia dedicará novembro a celebrar o Mes da Ciencia, cunha serie de actividades que terán lugar os sábados e que nos permitirán achegarnos un pouco máis ao mundo do científico, máis alá da súa imaxe de señor de bata branca.
A Consellería de Cultura, Educación e Ordenación Universitaria convida a gozar dun novo Magosto no Gaiás o vindeiro 19 de novembro, con degustación de castañas da Indicación Xeográfica Protexida Castaña de Galicia e a música de Caxade.
Boa música e castañas. Estes son os ingredientes do Magosto no Gaiás deste ano, que terá lugar o 19 de novembro con degustación de tapas e concerto de Caxade.
O casco histórico de Santiago e a Cidade da Cultura de Galicia acollerán entre o 19 e o 23 de outubro a vixésima segunda edición de Womex. Arredor de 2.500 persoas de máis de 100 países, 300 músicos, entre eles os galegos Radio Cos, Xabier Díaz e Narf, e preto de 200 xornalistas se achegarán a Galicia para participar no maior evento internacional da música de raíz. Así mesmo, a feira durante o día incluirá 290 stands con máis de 700 empresas, ademais de 22 conferencias e 95 relatores de 35 países en 50 sesións, entre outras actividades.
A Consellería de Cultura, Educación e Ordenación Universitaria celebra o vindeiro 5 de novembro no Gaiás un magosto familiar cos contos da narradora Raquel Queizás.
A partir das 18 horas, o Museo Centro Gaiás acollerá Un magosto de Medo, no que os participantes aprenderán a elaborar o tradicional rosario de zonchos, o colar de castañas cocidas típico do Día de Defuntos. E antes de comezar coa contada, nenos e maiores tiznarán a cara tal e como manda a tradición dos magostos.
