O proxecto Stay here, do sevillano Alejandro Ginés, resultou gañador da VI Concurso de Intervencións Artísticas nas Torres Hejduk, convocado entre os e as participantes do Encontro de Artistas Novos (EAN) 2018.
A terceira proba do VII Circuíto de Carreiras Saudables de Santiago, CorreSan 2018, celébrase o vindeiro 3 de novembro na Cidade da Cultura, levándonos á Ruta dos Parques composteláns.
Os desprazamentos por motivos de traballo producen gran parte da mobilidade que se xera diariamente, sobre todo os días laborais. Ante tantos desprazamentos o risco de que se produza un accidente de tráfico increméntase, co que é importante actuar na súa prevención desde os diferentes axentes implicados: administracións, empresas e traballadores.
Na actualidade, a transformación dixital non é unha opción. As empresas de hoxe en día non poden dubidar sobre a adaptación a este novo contorno, pois xa non hai outra maneira de renovarse e competir que a través dela.
Dentro do programa 'Destino: PemeDixital', AceleraTIC ofrece ás pemes unha folla de ruta que lles permita afrontar o desafío da transformación dixital, cun enfoque práctico e baseado en casos de éxito.
A Cidade da Cultura acolle este martes a asamblea da Rede Galega de Teatros e Auditorios, que terá lugar na Sala I da Biblioteca e Arquivo de Galicia.
Constituída en 1996 co obxectivo de impulsar a distribución dos espectáculos galegos, a Rede Galega de Teatros e Auditorios consolidouse nestes anos como o principal circuíto para a exhibición da produción escénica galega de carácter profesional, á que dota de estabilidade na súa programación habitual.
A Biblioteca Pública Municipal do concello de Camariñas acaba de ser galardoada co Premio á Innovación Bibliotecaria de Galicia polo proxecto O berberecho rebecho viaxa a La Turballe. Este galardón, que convocou por primeira vez a Consellería de Cultura e Turismo este 2018, implica unha dotación económica de 3.000 euros e un distintivo de biblioteca innovadora.
Coa intención de ir quentando motores de cara á celebración do Campionato Mundial de Xadrez de Categoría Cadete, a Cidade da Cultura acolle o 27 de outubro o Torneo Promoción Santiago 2018, último torneo do XIII Circuíto Galego de Promoción 2018.
NOS Open Space é unha conferencia diferente, onde non hai relatores nin axenda prefixada e o mando o teñen os asistentes: unha ocasión especial para achegar un formato diferente á comunidade de startups galegas, o 24 de novembro na Cidade da Cultura.
O debate e as achegas de cada un dos asistentes serán o motor de cada unha das ponencias. Nun clima de flexibilidade e colaboración, todas as persoas poderán compartir a súa experiencia arredor da creación, supervivencia e crecemento dunha startup.
O Instituto de Medios Sociales organiza un Curso de Deseño Gráfico dirixido a autónomos, empresarios, estudiantes, investigadores e, en xeral, a todas aquelas persoas interesadas en adquirir a habilidade para enfrontarse a un proxecto profesional.
O curso inclúe a aprendizaxe das ferramentas de dúas das aplicacións da Suite Adobe máis empregadas polos deseñadores, Illustrator e Photoshop, e coas que o alumnado se adentrará no deseño vectorial e o retoque fotográfico. As clases presenciais terán lugar no Centro de Emprendemento da Cidade da Cultura de Galicia.
A Cidade da Cultura de Galicia celebra a tarde deste sábado, día 27, a súa primeira foliada de outono co seu xa consolidado, na programación cultural, Magosto no Gaiás.
