Imposible imaxinar Compostela sen os sons hipnóticos das badaladas da Torre do Reloxo da catedral de Santiago ou sen caer en onomatopeas de admiración ante a fascinante tripla escaleira helicoidal do Museo do Pobo Galego. Ambas son obras de Domingo de Andrade, a quen se lle dedica este ano o Día das Artes (1 de abril).
Amigas e amigos, a Raposa Fedella precisa a axuda da vosa cativada: a Biblia Kennicott desapareceu! Como sabedes, trátase dunha das obras máis importantes da exposición Galicia,un relato no mundo do Museo Centro Gaiás e ten un valor incalculable.
A Xunta de Galicia pon en marcha esta semana na Cidade da Cultura o programa Aventuras no monte das artes, unha actividade en liña que achegará ás familias contidos para que a cativada explore as súas habilidades artísticas a través de xogos e divertidos desafíos.
Presentámosvos a unha habitante moi especial do monte Gaiás: a raposa Fedella ! Astuta, intelixente e seareira da arte. Ademais é moi pícara, xa que non para de argallar pescudas e retos, créndose infalible. Mais para habilidosos e enxeñosos, os vosos pequenos e pequenas, ás que lles preparou un feixiño de desafíos creativos e artístiscos ao redor do seu tema e sitio favorito da Cidade da Cultura: o Museo Gaiás.
Co seu arquivo podería elaborarse a biografía visual da Cidade da Cultura. Fai dezaoito anos que Manuel G Vicente tomou a primeira fotografía do Gaiás: a construción das Torres Hejduk (imaxe de apertura desta galería).
Desde o ano 2004 non deixou de retratar o complexo. E queremos compartir con vós dúas seleccións de imaxes realizadas por el mesmo:
➖ Esta escolma centrada no proceso construtivo:
Soe apelarse a que a vida é unha obra de teatro que non permite ensaios. Mais estes días, que nos obrigan a baixar o pano en moitas das nosas facianas, seguro que nos están a servir para reinterpretala e reinterpretarnos, e para mellor.
De segundas e ata de terceiras oportunidades tamén está imbuída esta tenra revisión teatral e colectiva do mito de Don Juan, que compartimos con vós na súa totalidade na nosa canle de youtube: https://youtu.be/Y8Z5h8QYlY8
O mércores 25 e o xoves 26 de marzo mergullámonos en Galicia, un relato no mundo nunha visita comentada en liña moi especial a través do Twitter. Foi da man de Miguel Ángel Cajigal (@elbarroquista) e Xoán Escudero (@FAremberg), dous dos nosos compañeiros do Servizo de Educación, Mediación, Información e Asistencia ao público do Museo Centro Gaiás, que habitualmente realizan as visitas comentadas de balde presenciais que ofrece a Cidade da Cultura.
Teletraballando, non vemos todo o que está a mudar estes días no Gaiás: os abrollos dos bidueiros, as roseiras en flor, os peixiños das carpas...
Pouco antes do illamento, quixemos fotografar a primavera sacándolle as cores ao monte. Mais aquela mañá o sol deixounos plantados e decidimos gardar as imaxes, esperando días máis luminosos.
Agora, coa perspectiva das e dos confinados, a mesma galería de fotos parécennos inmellorable e gustaríanos compartila.
As Hejduk ilumínanse de verde en apoio a todas as persoas que están a loitar contra a pandemia.
Desde o alto do monte Gaiás, as Torres Hejudk, habitualmente acesas de cores diversas en solidariedade con múltiples colectivos e causas, ilumínanse de verde nunha mensaxe de esperanza e tamén de ánimo para todos e todas as que están a traballar para combater o COVID-19.
