Día da Poesía | #aculturasegue

 

Cantas veces temos procurado auxilio nun verso ou acubillo nun poema? A poesía tanto mitiga como aviva, convida a descifrar a vida ou a perdernos nela. En todos os casos, sempre acompaña e nestes días, moito máis. Na Cidade da Cultura de Galicia sumámonos hoxe ao seu merecido festexo recuperando esta orixinal e artística peza da coreógrafa Idoia Zabaleta , na que se baila e recita Os Eidos de Uxío Novoneyra polos espazos naturais e arquitectónicos do Gaiás.

Ademais, durante o día de hoxe (21 de marzo) o cancelo #aculturasegue e o Festival Alguén que respira van difundir en liña poemas de autores e autoras galegas recitados por eles mesmos, porque se as redes sociais non teñen cancelo, a poesía menos!