Novas actividades ao redor das exposicións do Museo Gaiás con propostas de teatro inmersivo ou un ‘escape room’

A Cidade da Cultura de Galicia inaugura este outono unha nova liña de programación que abrangue diferentes actividades divulgativas, lúdicas e didácticas ao redor das exposicións do Museo Centro Gaiás. Baixo o título Gaiás_Inspira, engloba así propostas innovadoras dirixidas tanto a público adulto como infantil e xuvenil, que converten as salas do Museo nun espazo vivo, aberto á participación do público, ao xogo e á aprendizaxe compartida, e que inclúen desde teatro inmersivo a visitas especiais ou unha xincana en formato escape room.

Santiago de Compostela, 08 de Outubro de 2025

A Xunta anuncia que as obras do primeiro Centro de Artes Dixitais de Galicia están xa rematadas a un 85% e garante a súa finalización a finais deste ano

O conselleiro de Cultura, Lingua e Xuventude, José López Campos, participou esta mañá nunha visita para comprobar o avance das obras do que será o primeiro Centro de Artes Dixitais de Galicia, infraestrutura que se está a construír na Cidade da Cultura. No percorrido, informou de que o nivel de execución dos traballos acada xa o 85% e reafirmou o compromiso da Xunta de que estará rematado a finais de ano.

Santiago de Compostela, 07 de Outubro de 2025

Obradoiro | Non fagas scroll, sumérxete na lectura: Reels para bibliotecas | 1ª Xornada Internacional de bibliotecas públicas Galicia – Norte de Portugal

No marco da primeira Xornada de Bibliotecas Públicas de Galicia e do Norte de Portugal prográmase o obradoiro “Non fagas scroll, sumérxete na lectura: Reels para bibliotecas”, impartido por Carlos Castro.

Obradoiro | Ciencia nos contos: un achegamento á ciencia a través da literatura infantil e xuvenil | 1ª Xornada Internacional de bibliotecas públicas Galicia – Norte de Portugal

No marco da primeira Xornada de Bibliotecas Públicas de Galicia e do Norte de Portugal prográmase o obradoiro “A ciencia nos libros infantís e xuvenís”, impartido por Lara García Alves.

Máis alá da prescrición. Mediación, lectura e bibliotecas I 1ª Xornada Internacional de bibliotecas públicas Galicia – Norte de Portugal

Que papel teñen as bibliotecas públicas na promoción da lectura? A primeira Xornada de Bibliotecas Públicas de Galicia e do Norte de Portugal, organizada no marco do Proxecto Nortear, quere poñer en valor o traballo esencial das bibliotecas neste ámbito. Esta iniciativa transfronteiriza propón reflexionar sobre a mediación lectora, un eido no que os profesionais desempeñan un papel insubstituíble.

Vente Vindo | Celso F. Sanmartín | Espectáculo de narración oral polo Día do Patrimonio Inmaterial

Vente Vindo é un espectáculo de narración oral da man de Celso Fernández Sanmartín, poeta, colleitador e contador de historias que chega á Biblioteca de Galicia con motivo do Día do Patrimonio Inmaterial.

Celso leva anos percorrendo escenarios por toda a xeografía española e por boa parte de Europa, levando consigo o seu repertorio de contos, lembranzas e emocións compartidas. Como poeta, publicou varios libros; como contador, converte cada historia nun lugar ao que volver.

Contemos multitudes. Dano cerebral adquirido: onde as cousas perdidas volven estar ben

Contemos multitudes. Dano cerebral adquirido: onde as cousas perdidas volven estar ben é unha mostra que pon rostro ás persoas que conviven no día a día coas consecuencias do dano cerebral adquirido. A través da fotografía, visibilízanse unhas secuelas que moitas veces resultan invisibles e incomprendidas para a sociedade.

(Est)ética antes do poema. Encontro con Olga Novo polo Día das Escritoras na Biblioteca de Galicia

Neste encontro con motivo do Día das Escritoras, a poeta Olga Novo escolle varios obxectos para percorrer a materialidade que conecta a estética coa ética, amosando como a poesía —como coñecemento intuitivo— se manifesta antes do poema. E como o texto comunica un posicionamento ético ante o mundo.

Historia dunha manta.

HIstoria dunha améndoa.

Historia dun niño.

Historia dun seixo.

As pequenas cousas tamén contan dende a beleza e a verdade.

Páxinas

Subscribe to Cidade da Cultura RSS