Unha morea de cartón de refugallo, un lugar público, e un feixe de rapazada creativa. Son os ingredientes do Desafío de cartón, unha actividade lúdica e educativa que fomenta a creatividade a través do xogo con cartón de refugallo. Nesta intervención efémera, a Praza Central do Gaiás énchese deste material para que persoas de todas as idades teñan a oportunidade de construír estruturas e xoguetes: a única fronteira é a vosa imaxinación!
O conselleiro de Cultura, Lingua e Xuventude, José López Campos, inaugurou esta mañá a mostra Botamos un baile? Un século de orquestras de verbena en Galicia, que contempla a evolución destas agrupacións desde principios do século XX ata a actualidade. O proxecto, que se enmarca dentro das itinerancias expositivas da Cidade da Cultura, pode visitarse na Praza da Música de Ponteareas ata o vindeiro 30 de xuño.
Música, xogos, teatro, obradoiros... O Verán en Familia da Cidade da Cultura trae unha chea de propostas para gozar do mes de xullo coa cativada.
Que pasaría se puidésemos coñecer a Castelao cando era neno? Un rapaz de 8 anos, aventureiro, retranqueiro e cheo de imaxinación, xogando polos peiraos de Rianxo, debuxando máscaras de Entroido e escoitando historias da Santa Compaña dende o campanario. Esta obra achéganos a ese Daniel pequeno, que está a piques de marchar para Arxentina... pero antes, desaparece!
Viquingos. Unha ollada desde Galicia achega ao Museo do Mar un amplo retrato da pegada histórica que as incursións nórdicas legaron a Galicia. Trátase dunha exposición que supera os estereotipos para afondar nun pobo, o viquingo, de complexa estrutura social e cultural.
O conselleiro de Cultura, Lingua e Xuventude, José López Campos, inaugurou hoxe no Museo de Mar de Galicia Viquingos. Unha ollada desde Galicia, exposición con carácter internacional que permitirá ao público descubrir a pegada que deixaron na nosa cultura as incursións dos pobos nórdicos ao longo da Idade Media. A mostra, que se poderá visitar en Vigo ata o 28 de setembro, reúne 75 pezas procedentes de museos e institucións de Suecia, Galicia e Andalucía.
A exposición Botamos un baile? Un século de orquestras de verbena en Galicia fai un repaso a un tema con fonda pegada na sociedade galega, pero pouco analizado académicamente: un percorrido pola evolución das orquestras de verbena dende os anos 20-30 ata o 2020. Así, contempla dende as orixes destas agrupacións nas primeiras décadas do século XX a partir das bandas de música tradicionais, ata converterse en grandes espectáculos e mesmo chegando a reinventarse para captar á xuventude e adaptarse aos novos tempos.
O conselleiro de Cultura, Lingua e Xuventude, José López Campos, inaugurou esta mañá a mostra Educando a mirada. Leccións de arte e deseño con motivo do Día Internacional dos Arquivos para poñer en valor o papel transformador do ensino artístico en Galicia. A exposición poderá visitarse no vestíbulo da Biblioteca e Arquivo de Galicia ata o vindeiro mes de outubro.
O director xeral de Cultura, Anxo M. Lorenzo, inaugurou hoxe na Cidade da Cultura Plastic biontes, unha intervención na que o colectivo Basurama converte en arte efémera refugallos plásticos industriais ao revestir cunha segunda pel as Torres Hejduk do Gaiás. Coincidindo co Día Mundial do Medio Ambiente, a Xunta presenta esta instalación que convida a reflexionar sobre escenarios futuros nos que o lixo non sexa só un residuo, explorando as súas potencialidades como ferramenta creativa e crítica.
A Xunta de Galicia impulsa durante este mes de xuño na Cidade da Cultura e no Salón Teatro do Centro Dramático Galego os proxectos dos artistas Euyín Eugene e Isabel do Diego, seleccionados na convocatoria 2025 das Residencias Paraíso, programa de apoio ás artes vivas promovido polo colectivo RPM co apoio da Consellería de Cultura, Lingua e Xuventude.
