Queres descubrir o Gaiás con outra mirada? Esta primavera achegámonos á arquitectura e funcionamento da Cidade da Cultura cunhas visitas monográficas para afondar nun espazo diferente cada domingo, incluíndo algúns lugares habitualmente restrinxidos ao público.
A impresionante galería subterránea que conecta os edificios, os depósitos do Museo Centro Gaiás, as claves xeométricas que explican o conxunto arquitectónico, ou os fondos que custodia a Biblioteca de Galicia son algúns dos puntos destacados destes percorridos que nos levan desde as Torres Hejduk ao Fontán (o primeiro e o último dos edificios erixidos no monte Gaiás).
Preme nos diferentes espazos para reservar a túa praza de balde e ven descubrir un dos exemplos máis sorprendentes e singulares da arquitectura contemporánea.
Maio 2026
|
|
Visita á Biblioteca e Arquivo de Galicia 3 Mai 2026 | 12h Achegámonos á Biblioteca e ao Arquivo de Galicia, institucións de referencia na conservación do patrimonio bibliográfico e documental que custodian desde gravados de Seoane ao legado de Díaz Pardo. |
|
|
10 Mai 2026 | 12h Da arquitectura de Peter Eisenman, pasamos á de Andrés Perea e afondamos no devir do complexo do Gaiás e no último dos edificios construídos na Cidade da Cultura. |
|
|
24 Mai 2026 | 12h Descubrimos os espazos expositivos do Museo Centro Gaiás, pero tamén as súas áreas agochadas: desde os depósitos de obra ata o gran montacargas. |
|
|
31 Mai 2026 | 12h Descubre lugares inaccesibles para o público nun percorrido polo Gaiás oculto: de norte a sur atravesando o subsolo da montaña e a galería de servizos que conecta os edificios. |
.
