A Cidade da Cultura convértese por primeiro ano en escenario do WOS Festival, acollendo durante dúas xornadas os encontros.
Mércores 7 de setembro
17:00-18:00 | SOLD OUT!: NOVAS ESTRATEXIAS TECNOLÓXICAS APLICADAS ÓS EVENTOS CULTURAIS
A Cidade da Cultura despide esta semana a sexta edición do Atardecer no Gaiás e farao ao ritmo de tres bandas galegas e unha homenaxe a David Bowie. Con estas tres últimas citas, o Gaiás ponlle punto e final a 22 sesións de música e cine ao aire libre coas que animou as tardiñas deste verán.
Teatriños ambulantes, trapecistas, acróbatas, escola de circo, dragóns de trapo, músicos, xogos de enxeño e macroxinacanas, postos de larpeiradas e, por suposto, globos e narices de pallaso para todos! Cidade Imaxinaria celebra este sábado, 20 de agosto, a súa sexta edición cun programa pensado para que grandes e pequenos gocen ao grande. Aquí vos ofrecemos algunhas claves para que non perdades absolutamente nada.
Xunto a coleccións privadas coas que viaxar no tempo, máquinas que revolucionaron unha época ou personaxes sobranceiros que se achegaron á nosa moda, Con-fío en Galicia detense tamén na importancia do márketing, da imaxe e da publicidade no noso téxtil. Galicia Moda destaca neste ámbito por ser o primeiro intento de crear unha imaxe de marca de 'moda feita en Galicia'.
Coa costura como leitmotiv de toda a súa carreira artística, Sonia Navarro propón, no marco da exposición Con-Fío en Galicia, a intervención Quefaceres e equilibrio. Trátase dunha proposta plástica intimamente vencellada á tradición familiar dos oficios femininos que xira en torno ao papel social da muller e ao da costura como símbolo de resistencia.
A Cidade da Cultura ponlle banda sonora a esta fin de semana prefestiva con tres novas citas de Atardecer no Gaiás, o ciclo de música e cine ao aire libre do verán. O Atardecer no Gaiás arrancará o xoves cos galegos Cuerpo Astral, formado por Lúa Gándara (voz), Vanesa Castro (voz) e Iñaki López (música e voz).
Con-fío en Galicia non só é moda. Senón todo un sector que colocou a Galicia no mapa: o téxtil. E un dos prodixios tecnolóxicos que xurdiu no noso país naceu en Vigo nos corenta. Falamos, como non, da máquina de coser Refrey.
Nada no barrio de Bouzas no ano 1948, a Refrey foi obra da saga empresarial dos Freire, recoñecidos industriais vigueses pola posta en marcha en 1895 do asteleiro Construcciones Navales Paulino Freire.
Xa temos a lista definitiva dos 40 creadores emerxentes que participarán do 28 de agosto ao 1 de setembro na sexta edición do Encontro de Artistas Novos. Noraboa aos seleccionados!
A Consellería de Cultura, Educación e Ordenación Universitaria converterá o vindeiro 20 de agosto o Gaiás nunha Cidade Imaxinaria na que grandes e pequenos viaxarán ao mundo do circo, da fantasía e da maxia de oriente.
A Biblioteca e o Arquivo de Galicia, situados na Cidade da Cultura, albergarán a biblioteca e o arquivo persoal da poeta lucense e académica da lingua galega Luz Pozo Garza. O conselleiro de Cultura, Educación e Ordenación Universitaria, Román Rodríguez, quixo agradecerlle hoxe á autora, nun acto que tivo lugar esta tarde no Gaiás, “a súa xenerosidade, amosada coa entrega sen condicións do seu enxoval literario”, e que demostra “a altura de miras” desta autora, “amosada ao longo da súa intensa e prolífica vida”.
