Sala de prensa

 
Santiago, 11 de Maio de 2023

A Biblioteca de Galicia da Cidade da Cultura abriu ao público a exposición Francisco Fernández del Riego. A cultura galega como motivo de vida, co gallo da celebración o vindeiro 17 de maio do Día das Letras Galegas dedicadas ao autor.

Santiago, 03 de Maio de 2023

O festival de danza, teatro e arte en acción Escenas do cambio —promovido pola Xunta de Galicia a través da Fundación Cidade da Cultura— comeza este xoves 4 de maio tres xornadas dedicadas ás artes escénicas de vangarda. A obra itinerante Aquí mentres camiñamos, do brasileiro Gustavo Ciríaco e a austríaca Andrea Sonnberger, será a encargada de inaugurar esta novena edición, cunha orixinal proposta na que público e artistas compartirán unha experiencia de descubrimento polas rúas de Santiago de Compostela.

Santiago, 28 de Abril de 2023

A Cidade da Cultura súmase o sábado 29 de abril á conmemoración do Día Internacional da Danza co espectáculo Bailador, unha peza de danza galega contemporánea baseada nas músicas de Berrogüetto e producida por Óscar Cobos Compañía de Danza. Por mor da previsión de choiva, a representación terá lugar no interior do Museo Centro Gaiás, en lugar de ao aire libre como estaba previsto inicialmente.

Santiago, 21 de Abril de 2023

A Fundación Cidade da Cultura ten aberto o concurso para adxudicar a explotación do servizo de restauración e cafetería do complexo do Gaiás, que suma a espazos actualmente en funcionamento (como a Cantina do Gaiás, o restaurante-cafetería do Museo e a a cafetería O Roupeiro no edificio CINC) un novo espazo de restauración no Edificio Fontán. Os pregos e condicións poden consultarse na páxina Contratos de Galicia.

Santiago, 18 de Abril de 2023
Fotos: Rocío Cibes

A Xunta de Galicia e a Fundación Castelao veñen de ratificar un acordo polo que se cede a esta institución un espazo na Cidade da Cultura para a instalación dunha sede e a realización de actividades culturais e de divulgación ao redor da figura do creador e escritor de Rianxo. O convenio foi asinado hoxe no Gaiás polo conselleiro de Cultura, Educación, FP e Universidades, Román Rodríguez González, e o presidente da Fundación Castelao, Miguel Anxo Seixas Seoane.

Páxinas