A Cidade da Cultura de Galicia acolle hoxe durante toda a xornada a V edición do Festival de Bandas Infantís e Xuvenís de Galicia, no que arredor de 600 músicos novos, de 12 formacións musicais, interpretan os repertorios elixidos para a ocasión.
O director xeral de Cultura da Xunta, Anxo Lorenzo, acompañado da directora-xerente da Fundación Cidade da Cultura, Ana Isabel Vázquez Reboredo, deu a benvida no Gaiás á escritora Ledicia Costas, que mantivo un encontro coas dez persoas participantes na Residencia Literaria 2022 que presta apoio e acompañamento a creadoras e creadores emerxentes e inéditos.
As Residencias artísticas do Gaiás - REGA veñen de lanzar a súa convocatoria de 2022 na procura de proxectos culturais vencellados ás artes visuais, escénicas, musicais e ao deseño. Serán seleccionadas un máximo de catro propostas –unha por cada área–, e os seus promotores recibirán unha bolsa dotada con 8.000 euros e realizarán unha residencia de entre tres semanas e mes e medio na Cidade da Cultura de Galicia.
O conselleiro de Cultura, Educación, FP e Universidades, Román Rodríguez, e o oscarizado director Alejandro González Iñárritu, presente a través dunha videoconferencia, convidaron esta tarde a descubrir a experiencia das persoas migrantes e refuxiadas en CARNE y ARENA, o premiado proxecto de realidade virtual que chega por primeira vez a España e Portugal e que hoxe se inaugurou no Museo Centro Gaiás da Cidade da Cultura de Galicia.
A Xunta de Galicia programa para este verán a décimo segunda edición de Atardecer no Gaiás, que desta volta conta cun total de 16 concertos ao aire libre os xoves e venres, desde o 7 de xullo ao 26 de agosto.
Páxinas
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »