Esta conferencia afonda na importancia dos festivais internacionais de folclore e na súa imprescindible contribución ás culturas minorizadas dos pobos, desde o coñecemento que nos achega Rafael Cantero, presidente de Cioff España (Consejo Internacional de Organizaciones de Festivales de Folklore y de las Artes Tradicionales). Cioff é unha entidade colaboradora oficial da UNESCO, acreditada para o Comité PCI de la UNESCO. Creada en 1970, a súa tarefa é a protección, promoción e difusión da cultura tradicional e do folclore.
Rafael Cantero Muñoz
Durante 25 anos formou parte do Grupo folclórico “Mazantini”, como membro do corpo de baile. É membro fundador da Asociación de Coros y Danzas de Ciudad Real. Foi Director do Festival Internacional de Folclore de Ciudad Real e do Festival Nacional da Seguidilla.
É autor dunha extensa carreira investigadora. Participou xunto a outros tres especialistas, na elaboración do proxecto “A Seguidilla en Castela A Mancha”, tendente á declaración da Seguidilla como Ben de Interese Cultural (BIC), como elemento representativo da Cultura Tradicional e do Patrimonio Inmaterial en Castela-A Mancha, realizando labores de recompilación e documentación do proxecto. Polo seu labor cultural e investigador, foi distinguido con diversos galardóns, entre os que se atopan a insignia de Ouro da Asociación de Coros e Danzas de Ciudad Real (Mazantini), o XVII Trofeo Nacional de Folclore, a insignia de Ouro da Federación Castelán Manchega de Folclore ou a insignia de Ouro da Agrupación de Coros e Danzas “Mancha Verde”.
