Sala de prensa

 
Santiago, 07 de Outubro de 2020

O I Congreso Internacional de Teatro Galego celébrase desde hoxe ata o sábado 10 de outubro na Cidade da Cultura de Santiago de Compostela. Baixo o lema co lema “Co 2030 no horizonte”, o congreso pretende, entre outros obxectivos, crear un plan estratéxico e unha lei do teatro na próxima década.

Santiago, 04 de Outubro de 2020

A VI Maker Faire Galicia, unha das feiras maker máis importantes de Europa, desenvolverase este ano 100% online e contará por primeira vez cunha xornada destinada en exclusiva á educación. O novo formato permitirá que esta sexta edición da feira de innovación se poida seguir deste todo o mundo, o que fará posible fortalecer os valores diferenciais da cita no referido ao coñecemento compartido e ao seu carácter interactivo.

Santiago, 02 de Outubro de 2020
Inauguración da exposición 'Galicia, de Nós a nós' (Óscar Corral)

O presidente do Goberno galego, Alberto Núñez Feijóo, reivindicou hoxe os valores e principios da Xeración Nós, que permanece fiel a un galeguismo de concordia e onde se atopan as orixes culturais “da Galicia que somos”.

“A Xeración Nós percorre a nosa cultura, a retrata e a rescata”, dixo, lembrando que, a partir dese fito que marca aquela congregación de talento e empuxe, a cultura galega ten un lugar relevante e imprescindible na sinfonía das grandes culturas do mundo.

Santiago, 24 de Setembro de 2020

O secretario xeral de Cultura, Anxo M. Lorenzo, visitou hoxe na Cidade da Cultura Memoria dunha década, a mostra impulsada pola Xunta no marco do décimo aniversario do Arquivo de Galicia. Trátase dunha exposición que fai un percorrido polo traballo desta entidade desde a súa creación, no ano 2010, e que se pode contemplar ata o vindeiro 16 de outubro no Edificio da Biblioteca e Arquivo de Galicia.

Santiago, 21 de Setembro de 2020

O Museo Centro Gaiás comezou xa a recibir as primeiras das arredor de 300 obras que comporán a exposición Galicia, de Nós a nós, a máis completa e ambiciosa mostra realizada ata o de agora sobre a Xeración Nós e proxecto central da programación que a Xunta de Galicia desenvolve con motivo do centenario da publicación da revista que lle dou nome –que se conmemora este outono–.

Páxinas