Sala de prensa

 
Santiago, 07 de Xuño de 2022
Chega ao Gaiás CARNE y ARENA, a oscarizada instalación de realidade virtual dirixida por Alejandro G. Iñárritu
Presentación 'CARNE y ARENA'. Fotos: Óscar Corral

A Xunta achega a Galicia a instalación inmersiva de realidade virtual CARNE y ARENA (Virtualmente presente, Fisicamente invisible), un proxecto do cineasta mexicano Alejandro G. Iñárritu que explora a condición humana das persoas migrantes e refuxiadas, e que poderá visitarse este verán na Cidade da Cultura de Galicia.

Santiago, 06 de Xuño de 2022
A exposición 'A Vía da Prata. Aires do Sur' cruza séculos e vieiros da man de 40 fotógrafos clásicos e contemporáneos

O conselleiro de Cultura, Educación, FP e Universidades, Román Rodríguez, inaugurou hoxe no Museo Centro Gaiás da Cidade da Cultura A Vía da Prata. Aires do Sur, exposición que reivindica o patrimonio cultural e histórico do Camiño de Sevilla a Santiago de Compostela a través da ollada de 40 figuras clásicas e contemporáneas da fotografía. A mostra compón un carrusel de 140 imaxes que transitan séculos e vieiros por unha das rutas que mellor encarna a diversidade dos itinerarios xacobeos.

Santiago, 03 de Xuño de 2022
A exposición ‘Santiago de Compostela no tempo’ convida a descubrir a identidade e herdanza cultural da capital galega grazas á Xunta e á Afundación

O conselleiro de Cultura, Educación, FP e Universidades, Román Rodríguez, e o director xerente de Afundación, a Obra Social ABANCA, Pedro Otero, inauguraron esta mañá Santiago de Compostela no tempo, exposición que nos convida a descubrir a identidade e herdanza cultural da capital galega a través dunha escolma de 100 pezas que narran un apaixonante e poliédrico relato sobre a orixe, historia e evolución desta cidade, así como do seu universo de costumes, relacións e vivencias.

Santiago, 02 de Xuño de 2022
O libro máis antigo conservado en Galicia exponse grazas á Xunta e Afundación na mostra ‘Santiago de Compostela no tempo’ tras 20 anos sen saír da biblioteca universitaria da USC

O conselleiro de Cultura, Educación, FP e Universidades, Román Rodríguez, recibiu na sede de Afundación  en Santiago, xunto co director xerente desta entidade, Pedro Otero, e o reitor da universidade compostelá, Antonio López, unha das pezas máis valiosas do patrimonio bibliográfico galego: o Libro de horas de Fernando I, datado en 1055.  

Con toda probabilidade trátase, segundo os especialistas, do libro máis antigo que se conserva en Galicia e formará parte da exposición Santiago de Compostela no tempo, que se abre ao público mañá venres á tarde.

Santiago, 01 de Xuño de 2022
A Galicia urbana é reivindicada pola Xunta e Afundación cun ambicioso proxecto de sete exposicións sobre a identidade das principais cidades galegas

O conselleiro de Cultura, Educación, FP e Universidades, Román Rodríguez, e o presidente de Afundación, a Obra Social ABANCA, Miguel Ángel Escotet, presentaron esta mañá Cidades no tempo, proxecto expositivo co que ambas institucións pretenden pór en valor a identidade urbana de Galicia. Esta proposta, unha das máis complexas e ambiciosas organizadas na nosa Comunidade nos últimos anos, está composta por sete mostras diferentes, unha por cada unha das principais cidades galegas.

Páxinas