Sala de prensa

 
Santiago, 22 de Xuño de 2016
BlindWiki

A Cidade da Cultura de Galicia pon en marcha do 12 ao 16 de xullo a actividade BlindWiki, mapeando o invisible, un taller de artista co creador visual Antoni Abad dirixido a persoas con diversidade visual. A iniciativa, que parte do Centro de Emprendemento do Gaiás, busca animar ás persoas cegas ou con problemas de visión a compartir a través da arte as experiencias e dificultades que atopan na súa vida cotiá.

Santiago, 16 de Xuño de 2016

O conselleiro de Cultura, Educación e Ordenación Universitaria participou canda Basilio Losada, o secretario xeral de Política Lingüística, o secretario xeral de Cultura e a directora xerente da Cidade da Cultura no acto onde se oficializou a cesión da última parte da biblioteca particular de Basilio Losada ao Goberno galego. Por este compromiso, arredor de 3.000 volumes de diversos eixes temáticos e “excepcional interese”, en palabras de Rodríguez, serán convenientemente catalogados e incorporaranse aos fondos da Biblioteca de Galicia da Cidade da Cultura.

Santiago, 09 de Xuño de 2016

Co gallo da celebración do Día Internacional dos Arquivos, o 9 de xuño, instituído pola Unesco hai 68 anos, o conselleiro de Cultura, Educación e Ordenación Universitaria, Román Rodríguez, e o presidente da Real Sociedade Económica de Amigos do País de Santiago (RSEAP), Juan Bautista de la Salle Barreiro Pérez, asinaron hoxe no Gaiás a acta de entrega coa que se formalizar o depósito do arquivo desta Real Sociedade Económica de Amigos do País no Arquivo de Galicia.

Santiago, 09 de Xuño de 2016

A Cidade da Cultura de Galicia acolleu esta mañá, no marco das xornada académicas da exposición Con-fío en Galicia, unha máster class de Manuel Outumuro (Ourense, 1949), un dos grandes fotógrafos de moda en España, que revisou a súa biografía e reflexionou sobre a evolución da fotografía de moda durante as últimas décadas, analizando as relacións entre a fotografía de autor, as grandes marcas e as publicacións especializadas.

Santiago, 06 de Xuño de 2016

Escolares galegos celebraron hoxe o Día do Medio Ambiente na Cidade da Cultura cuns obradoiros concibidos para descubrir a importancia da fauna e contribuír a súa protección no Bosque de Galicia. Ata alí se desprazaron esta mañá o conselleiro de Cultura e Educación, Román Rodríguez; e a conselleira de Medio Ambiente, Beatriz Mato, que animaron aos nenos participantes a descubrir a riqueza do ecosistema do Gaiás. Á xornada asistiron tamén o director territorial de Viaqua, Julio Masid Bande, e a directora-xerente da Cidade da Cultura de Galicia, Beatriz González Loroño.

Páxinas