O director xeral de Cultura, Anxo M. Lorenzo, participou esta mañá no Museo Gaiás na apertura da exposición Outro e sobre si, do artista compostelán Andrés Rodís.
A Consellería de Cultura, Lingua e Xuventude programa na Cidade da Cultura o sábado 17 de outubro Brutalismo. Unha danza para concerto, un espectáculo de artes vivas co que o artista andaluz Isabel do Diego pecha sete anos de investigación e experimentación entre o folclore e a electrónica.
A Xunta de Galicia e a Asociación Galega para a Axuda das Persoas con Demencia Tipo Alzhéimer, Agadea, colaboran na organización de CoiDándonos, unha exposición na que as artistas son as persoas con deterioro cognitivo e as súas familias coidadoras. A mostra abrirá esta tarde ao público no Museo Gaiás e poderá visitarse ata o vindeiro 25 de outubro.
A Xunta de Galicia inaugurará a finais do mes de outubro no Museo Centro Gaiás Ser Noutras, unha exposición que suma unha nova e destacada colaboración á programación da Cidade da Cultura, neste caso a través do préstamo de preto de 40 obras de arte galega pertencentes á colección do Museo Nacional Centro de Arte Reina Sofía.
O director xeral de Cultura, Anxo M. Lorenzo, inaugurou hoxe na sede Afundación Ourense a exposición Nicolás Muller en Galicia. Deste xeito, a mostra xestada no Gaiás continúa o seu percorrido tras pasar por Santiago, Vigo, Lugo e Ferrol no marco do programa de itinerancias que fomenta a Consellería de Cultura, Lingua e Xuventude.