O Programa VIRADA Equipos pretende contribuír a que equipos naturais de organizacións da economía social e empresas desenvolvan competencias de liderado compartido e se desempeñen con maior efectividade.

As actividades principais que estruturan o programa son:

• Aplicación da Metodoloxía Belbin de roles de equipo.
• Encontros presenciais outdoor.
• Obradoiros de contido sobre liderado.
• Coaching de equipo.

VIRADA Equipos sitúa no centro do acompañamento ás persoas e o propio equipo, como unha realidade distinta dos seus membros. É unha invitación para que o equipo reflexione, xere un pensamento crítico, e estimule diferentes puntos de vista que lle dea máis posibilidades no seu crecemento.

Os días 7 de abril e 19 de maio a Cidade da Cultura acolle dúas sesións de obradoiros de docencia presencial no marco da formación integral de Virada Equipos.