Os días 23 de marzo, 24 de maio e 15 de xuño de 2023, terán lugar os obradoiros de contido sobre o desenvolvemento do liderado da sétima edición do Programa Virada Liderado, no Edificio Fontán da Cidade da Cultura.
Este programa pretende contribuír a que persoas con responsabilidades directivas ou de coordinación de equipos de traballo, presentes ou futuras, adquiran competencias estratéxicas, interpersoais e persoais que as capaciten para o exercicio dun liderado máis efectivo. Está deseñado para compaxinalo co labor profesional, axudar a resolver situacións do día a día e compartir inquietudes con persoas afíns.
Para lograr as competencias de liderado, os obradoiros levarán a cabo un itinerario con espazos e actividades individuais e grupais que propician unha aprendizaxe vivencial próxima e de confianza, onde se traballan temas relacionados co Proxecto de Impacto Organizacional, así como elementos presentes nos Encontros presenciais Outdoor. Estarán repartidos en 16 horas de docencia presencial distribuídas en 3 obradoiros.
En canto ás actividades do programa, Virada Liderado está deseñado para que a persoa participante sexa protagonista da súa propia aprendizaxe, aínda que será de grande axuda compartir a experiencia en grupo e contar co apoio do equipo facilitador.
