O Programa VIRADA Liderado pretende contribuír a que persoas con responsabilidades directivas ou de coordinación de equipos de traballo, presentes ou futuras, adquiran competencias estratéxicas, interpersoais e persoais que as capaciten para o exercicio dun liderado máis efectivo.
O programa está deseñado para compaxinalo co labor profesional, axudar a resolver situacións do día a día e compartir inquietudes con persoas afíns. Para lograr as competencias de liderado levará a cabo un itinerario con espazos e actividades individuais e grupais.
Os días 31 de marzo, 12 de maio e 2 de xuño celébranse na Cidade da Cultura varios obradoiros de docencia presencial no marco da formación integral de Virada Liderado. Os obradoiros son espazos que pretenden propiciar unha aprendizaxe vivencial próxima e de confianza, onde se traballan temas relacionados co Proxecto de Impacto Organizacional, así como elementos presentes nos encontros presenciais outdoor.
