A masterclass 'A pandeireta en Castela', tratará as técnicas deste instrumento nesta zona de España, e estará impartida por Vanesa Muela, cantante e percusionista de música tradicional de Castela e León que leva 40 anos sobre os escenarios. Conta con trece discos no mercado, máis de catro mil concertos por todo o mundo e ten no seu haber dous premios nacionais de Folklore, un deles concedido polo CSIC. A súa voz e o seu particular xeito de transmitir a música tradicional convertérona nun referente nacional.
As masterclasses do Serán'03 tratan cuestións peculiares ou moi especializadas de pandeireta, percusión e técnica vocal e están impartidas polo profesorado máis destacado do momento: Fransy González, Pau Santirso, María Xosé Martínez, Belén Mato, Vanesa Muela, Carmen Rey ou Livia Giaffreda. Podes ver o programa completo do encontro e os diferentes contidos formativos premendo AQUÍ.