O vindeiro 22 de marzo, a Consellería de Cultura, Educación e Ordenación Universitaria e Agadic presentan ao sector audiovisual a segunda edición do Conecta FICTION.

Promovido pola Xunta de Galicia (a través da Agadic) xunto con ICEX España Exportación e Inversiones e Fundación SGAE, Conecta FICTION celebrarase do 18 ao 21 de xuño en Santiago de Compostela, con actividades profesionais na Cidade da Cultura de Galicia e distintas citas abertas ao público noutros espazos da cidade. Unha destas propostas será o Conecta FICTION FEST, o festival de series que se incorpora este ano ao programa como principal novidade.