Baixo o lema «Reconstruíndo o futuro con outra mirada á vellez», a Asociación de Centros de Día de Galicia (ACDgal) celebrará o seu segundo congreso os días 24 e 25 de setembro na Cidade da Cultura de Santiago de Compostela.
O obxectivo principal é contribuír ao cambio de mirada cara ás persoas maiores erradicando prexuízos sobre a vellez, así como crear un lugar de encontro para poder intercambiar formación e opinións sobre os novos retos e necesidades das persoas maiores.
Dirixido a profesionais de Centros de Día co obxectivo de seguir mellorando as súas capacidades para que, ademais de favorecer a promoción da autonomía desde un enfoque centrado na persoa e poñéndolle no centro da atención, dean maior relevancia ao respecto dos gustos, intereses e preferencias das persoas maiores.
Como novidade, este ano inclúese unha mesa redonda na que participarán tres persoas maiores entusiastas, activas e con proxectos de futuro moi interesantes. O comité organizador de ACDgal pretende xerar unha contorna de traballo próximo e participativo, na que compartir inquietudes e experiencias que redunden na mellora de calidade dos servizos e, en definitiva, a satisfacción das persoas.
Máis información e inscricións na web ACDgal.
