A Cidade da Cultura acolle a entrega dos premios Xuventude Crea 2015 aos gañadores das 11 especialidades do certame de creadores novos convocado pola Consellería de Política Social, a través da Dirección Xeral de Xuventude, Participación e Voluntariado.

Nesta edición foron presentados un total de 228 proxectos cunha participación de máis de 300 mozos e mozas galegas, dos que foron galardoados 51 premiados dentro das 11 especialidades: artes plásticas, banda deseñada, fotografía, deseño de xoias, moda, graffiti, música, poesía, relato breve, teatro e videocreación.