A Cidade da Cultura de Galicia vese na obriga de suspender a primeira sesión do ciclo Nexos do ano que, baixo o título O aforismo e a beleza da síntese, estaba previsto que tivese lugar este sábado na Biblioteca e Arquivo de Galicia. A repentina cancelación débese a problemas de saúde do relator, o profesor Jorge Wagensberg, que impiden o seu desprazamento a Compostela. A cancelación afecta tanto á sesión de adultos como á de infantil.
Unha vez se coñeza a nova data, será comunicada a través de cidadecultura.gal e as diferentes redes sociais da Cidade da Cultura.
Cuerdas de Pedro Solís e a galega Einstein-Rosen, de Olga Osorio foron as curtametraxes favoritas do público que participou esta fin de semana na Cidade da Cultura na primeira edición do PequeFilmes, Festival de Cine Infantil de Galicia.
A Consellería de Cultura, Educación e Ordenación Universitaria celebrará o vindeiro 24 de xaneiro no Gaiás unha xornada na que profundar na figura, o legado e a posta en valor do patrimonio literario e iconográfico de Cela. No marco da exposición CJC 1916-2016. O centenario dun Nobel.
A Consellería de Cultura, Educación e Ordenación Universitaria celebra a fin de semana do 14 e 15 de xaneiro na Cidade da Cultura, o festival infantil de curtas PequeFilmes, dirixido a rapaces de entre 5 e 12 anos. Un total de 40 curtametraxes proxectaranse durante estes dous días no Museo Centro Gaiás, no que tamén se levarán a cabo unha serie de obradoiros formativos cos que os cativos descubrirán de primeira man o funcionamento do cine de animación.
O conselleiro de Cultura, Educación e Ordenación Universitaria, Román Rodríguez González, inaugurou esta mañá no Gaiás a última mostra do ano organizada polo Arquivo de Galicia, ‘Paisaxe e patrimonio: unha visión do territorio a través do Arquivo de Galicia’.
Páxinas
- « primeira
- ‹ anterior
- …
- 192
- 193
- 194
- 195
- 196
- 197
- 198
- 199
- 200
- …
- seguinte ›
- última »