Sala de prensa

 
Santiago, 20 de Novembro de 2013

O presidente do Goberno galego, referiuse á Fundación Penzol como gardiá do espírito colectivo e destacou o seu labor para recuperalo e convertelo na memoria e no futuro de Galicia. “Premiamos pois a unha Fundación que desde hai medio século soubo manter o espírito colectivo. É certo que ese espírito xa existía nos galegos, pero velaí o seu traballo para recuperalo e convertelo na memoria e no futuro de Galicia”, afirmou, durante o acto de entrega da Medalla de Ouro de Galicia a esta organización celebrado na Cidade da Cultura de Galicia.

Santiago, 28 de Outubro de 2013

A Consellería de Cultura, Educación e Ordenación Universitaria suxeriu hoxe a conveniencia de que o Senado se converta nunha institución que faga de embaxaidora da Cidade da Cultura e que difunda en todo o Estado a contribución cultural que o Gaiás vén desenvolvendo nos últimos anos. No decurso dunha xuntanza de traballo entre a comisión de Cultura da Cámara Alta e un equipo da consellería encabezado polo seu secretario xeral técnico, Jesús Oitavén, quen os recibiu en nome do conselleiro, o representante da Xunta, explicou os eixos de actuación do plan estratéxico da Cidade da Cultura.

Santiago, 28 de Outubro de 2013

En ningún lugar. Unha memoria alternativa das Torres Hejduk. Esta será a intervención que ocupará durante tres meses as torres do Gaiás tras resultar gañadora da convocatoria feita pola Cidade da Cultura de Galicia entre os participantes no III Encontro de Artistas Novos.

Santiago, 28 de Outubro de 2013

O conselleiro de Cultura e Educación recolle no Parlamento de Gales o testemuño da organización de Womex para a edición de 2014 en Galicia.

Xesús Vázquez Abad interveu na recepción á delegación da World Music Expo na Asamblea Nacional galesa, onde incidiu na repercusión que a celebración do evento en Santiago de Compostela terá para toda Galicia e para a súa industria musical

Autoridades e delegados internacionais desprazados a Cardiff con motivo desta feira asistiron na noite do sábado ao acto institucional no que o conselleiro foi recibido pola presidenta do Senedd e polo ministro de Cultura galés.

Santiago, 22 de Outubro de 2013

Santiago de Compostela vibrou a pasada noite coa multitudinaria celebración do décimo aniversario do Grupo Nove.

Páxinas