O conselleiro de Cultura, Educación e Ordenación Universitaria, Román Rodríguez, destacou esta mañá no Encontro de Bloggers de Moda que acolleu a Cidade da Cultura con motivo da exposición Con-fío en Galicia a importancia das novas linguaxes e formas de comunicación no desenvolvemento do sector téxtil-moda galego e na consolidación da ‘marca Galicia’.
O presidente da Xunta, Alberto Núñez Feijóo, reivindicou hoxe a confianza e o éxito do téxtil galego no mundo: “Vós tecedes fío a fío a gran marca que é Galicia”, dixo durante o acto de inauguración da exposición Con fío en Galicia na Cidade da Cultura.
Pouco podía imaxinar a avoa Paquita que o baúl cheo de roupa co que as súas netas fantaseaban cada tarde ía convertirse nunha das mellores testemuñas da historia do traxe en España. Porque iso é a colección González-Moro, unha rica e exhaustiva compilación de prendas, complementos e roupa interior que conta a historia do último século. Do 11 de marzo ao 11 de setembro, a mostra Con-Fío en Galicia exhibirá vinte destas xoias.
A raíña dona Berenguela (1116 - 1149) e o rei Alfonso IX (1171 - 1230) abandonarán por uns meses o seu descanso eterno na Capela das Reliquias da Catedral de Santiago para ser parte protagonista de Con-Fío en Galicia, exposición sobre o téxtil e a moda en Galicia que poderá visitarse no Museo Centro Gaiás do 11 de marzo ao 11 de setembro.
A Consellería de Cultura, Educación e Ordenación Universitaria anuncia que a Cidade da Cultura, na súa triple liña de traballo no eido da cultura, a tecnoloxía e o emprendemento, desenvolverá este ano 200 actividades culturais nas que participarán 120.000 persoas e organizará un programa de accións destinadas a impulsar o emprendemento en Galicia que permitirá apoiar a 6.000 persoas.
A exposición Con-fío en Galicia que, organizada pola Consellería de Cultura, Educación e Ordenación Universitaria, se inaugurará o vindeiro venres, porá o foco sobre os logros acadados polos grandes deseñadores e empresas do sector téxtil-moda e dará visibilidade aos novos deseñadores galegos procedentes de Esdemga da Universidade de Vigo e a EASD Mestre Mateo de Santiago de Compostela, as dúas grandes escolas de moda de Galicia.
Converter un dos máximos representantes do surrealismo en imaxe da moda galega. Ficción ou realidade? Pois grazas a Confecciones Regojo, un feito histórico do noso téxtil.
A Consellería de Cultura, Educación e Ordenación Universitaria quere destacar que a revisión que se está a levar a cabo sobre as fachadas de tres dos catro edificios da Cidade da Cultura desde finais do verán pasado non supón custo algún para as arcas públicas nin, polo tanto, para os galegos, e ten como obxectivo mellorar a suxeición da cuarcita que reviste a fachada exterior. Trátase, por tanto, dun exercicio de responsabilidade que consiste en velar polo bo estado dos edificios.
