A última semana de xullo de Atardecer no Gaiás combinará música e cine ao aire libre na praza central da Cidade da Cultura.
O presidente da Xunta, Alberto Núñez Feijóo, reafirmou hoxe o compromiso da Xunta para poñer o desenvolvemento tecnolóxico ao servizo da inclusión social; ao servizo dos maiores —o 25% da poboación galega— e ao servizo das máis de 300.000 persoas con discapacidade que hai na Comunidade. “Non imos deixar ninguén atrás”, aseverou, destacando que con este obxectivo nace Connecting for Good Galicia, que impulsará iniciativas emprendedoras de innovación social dixital con selo e acento galego.
A Fundación Cidade da Cultura dá a coñecer o nome dos corenta creadores seleccionados para participar no VI Encontro de Artistas Novos, que terá lugar do 28 de agosto ao 1 de setembro no Gaiás (consultar .pdf de descarga). O equipo dirixido por Rafael Doctor, director do EAN, destacou a calidade dos proxectos presentados para esta sexta edición, que recibiu un total de 246 solicitudes.
O conselleiro de Cultura, Educación e Ordenación Universitaria, Román Rodríguez, inaugurou no Gaiás a exposición Rostros do país, o novo traballo do recoñecido fotoxornalista galego Xurxo Lobato co que indaga na identidade galega. O conselleiro convidou a todos os galegos a visitar a mostra e ‘ler’ “a historia escrita en cada rostro”, a “indagar na nosa identidade e a reflexionar sobre aquilo que nos caracteriza como pobo cun lugar de seu na historia".
O cine ao aire libre chega por primeira vez á praza central da Cidade da Cultura da man de Atardecer no Gaiás, o ciclo de concertos e cine ao aire libre co que a Consellería de Cultura, Educación e Ordenación Universitaria lle pon banda sonora aos solpores do verán.
A Consellería de Cultura, Educación e Ordenación Universitaria convida a descubrir o patrimonio artístico e natural de Compostela ao tempo que se adquiren hábitos de vida saudables a través de Camiño ao Gaiás, roteiro guiado que ten lugar todos os xoves do verán ata o 8 de setembro.
A Consellería de Cultura, Educación e Ordenación Universitaria pon en marcha todos os martes de xullo no Gaiás un laboratorio creativo co que estimular as aptitudes artísticas dos máis pequenos a través de Deseños minúsculos, valores maiúsculos.
Atardecer no Gaiás, o ciclo de concertos e cine ao aire libre da Cidade da Cultura, volve este xoves, 7 de xullo, a poñerlle banda sonora ás tardiñas do verán. Por sexto ano consecutivo, a praza central do Gaiás convértese no mellor escenario no que gozar do solpor ao ritmo das bandas máis destacadas do momento. McEnroe, Novedades Carminha e Alondra Bentley serán os encargados de abrir unha carteleira, que este ano inclúe proxeccións audiovisuais como novidade.
A Cidade da Cultura de Galicia acollerá este domingo 10 de xullo o I Festival de Bandas Infantís e Xuvenís, un novo encontro musical no que participarán preto de 500 mozos e mozas instrumentistas procedentes de 11 agrupacións musicais galegas, co dobre obxectivo de avanzar na súa formación e de amosar o seu traballo ao público.
O presidente da Xunta, Alberto Núñez Feijóo, destacou esta mañá, durante a presentación do novo Centro de Excelencia en Intelixencia de Negocio de Hewlett Packard Enterprise, que a colaboración coa multinacional “é un paso importante para o desenvolvemento do Big Data en Galicia”.
