O conselleiro de Cultura, Educación e Ordenación Universitaria, Román Rodríguez, presentará en rolda de prensa as accións conmemorativas do Ano Europeo do Patrimonio. Estará acompañado pola directora xeral do Patrimonio Cultural, María Carmen Martínez Ínsua; e polo secretario xeral de Cultura, Anxo Lorenzo.
O Parlamento Europeo e o Consello da Unión Europea aprobaron, o 17 de maio de 2017, a Decisión pola que se establece a declaración do Ano Europeo do Patrimonio Cultural 2018. Esta conmemoración supón unha oportunidade para celebrar a riqueza e a diversidade do patrimonio Europeo, que forma parte das nosas cidades, paisaxes e espazos arqueolóxicos. Atópase non só en disciplinas como o arte e a literatura, senón tamén noutros ámbitos como as técnicas artesanais, a gastronomía, a historia, a música ou o cine. Por iso, os obxectivos deste Ano Europeo son fomentar o intercambio e a valoración do patrimonio cultural de Europa como un recurso compartido, sensibilizar sobre a historia e os valores comúns e reforzar un sentimento de pertenza a un espazo común europeo.
Máis información sobre a conmemoración en: http://europa.eu/cultural-heritage
