O Instituto Galego do Viño celebrará o vindeiro día 27 de abril ás 18:30 horas o acto de entrega da quinta edición dos Premios Mágnum do Viño Galego, cos que pretende recoñecer o traballo dos mellores profesionais do viño en Galicia. Serán máis de cento  cincuenta as persoas que acudirán a esta cita que terá lugar na Cidade da Cultura e que reunirá aos máis importantes profesionais do sector na nosa Comunidade, así como a representantes do eido político e social. 

O Ingavi concederá estes galardóns nas categorías de:

• Mellor Viño Galego
• Mellor Viño Revelación Galego, viños cun máximo de dúas colleitas no mercado.
• Mellor Adega Galega, entendida como colección de viños no mercado da máxima calidade.
• Mellor Labor de Difusión do Viño Galego.
• Mellor Sumiller no Tratamento do Viño Galego.
• Mágnum Honórifico Vinolvidable a un profesional destacado polo seu traballo a prol do viño galego.