O 30 de outubro o Edificio CINC da Cidade da Cultura acolle GaliciaTIC 2025. Un evento organizado pola Asociación de Empresas de Tecnoloxía de Galicia (INEO) que este ano porá o foco na aplicación práctica e estratéxica da Intelixencia Artificial (IA) no ámbito empresarial. A xornada inclúe sesións presenciais (conferencias, mesas temáticas e mesas de debate) e en liña durante a mañá, e unicamente en liña pola tarde en paralelo coas actividades de promoción do talento dixital.
Esta iniciativa contará coa participación de centros de FP galegos e centros de formación de posgrao en universidades e escolas de negocios. As empresas interesadas en captar talento poderán dispoñer dun stand informativo. Tamén se potenciará a visibilidade de GaliciaTIC cara ao exterior a través de “showrooms” físicos e virtuais e stands presenciais, así como promovendo o acceso dos medios de comunicación, a visualización nas redes sociais, e a presenza de todas aquelas persoas interesadas en coñecer de primeira man as innovacións das empresas.
O evento contará tamén con espazos de relación (networking) para impulsar os encontros entre empresas e con diferentes clústeres sectoriais, hubs e institucións públicas.
Toda a información na web de GaliciaTIC.
