Olga Kirk leva máis de 30 anos dedicada ao traballo de investigación etnógrafica de campo sobre a música e o baile tradicionais, e dedícase profesionalmente ao seu ensino. Foi mestra en multitude de asociacións e escolas municipais do país, e agora dedícase en exclusividade a ensinar na Asociación Cultural Donaire da Coruña, que dirixe desde a súa creación hai 25 anos. Nesta masterclass traballaranse os puntos máis característicos e coreografías da zona da Terra Cha.
As masterclasses do Serán'04 tratan cuestións peculiares ou moi especializadas de técnica vocal, pandeireta, percusión ou danza, e co profesorado máis destacado do momento: Xosé Lois Romero, Montse Rivera, Luis Prego, Xurxo Fernándes, María Vidal ou Serxio Cobos, entre outros. Nesta edición inclúense contidos novidosos como unha clase de iniciación bordado ao cargo do mosdisto e especialista en traxe tradicional, Álex Regueiro, ou unha de iniciación á pandeireta para persoas con discapacidade. Podes ver o programa completo do encontro e os diferentes contidos formativos premendo AQUÍ.
