Os días 14 e 15 de novembro terán lugar as IX Xornadas da Red Española de Agencias de Evaluación de Tecnologías Sanitarias (RedETS) no Edificio Fontán da Cidade da Cultura, que este ano están organizadas por Avalia-t, a Unidade de Asesoramento Científico-técnico dependente da Axencia de Coñecemento en Saúde (ACIS) da Consellería de Sanidade.
A xornada do día 15 diríxese a calquera persoa interesada na avaliación de tecnoloxías sanitarias, especialmente aquelas que traballan neste ámbito, axentes de interese (pacientes, clínicos e produtores de tecnoloxías) ou usuarios de avaliación dos diferentes niveis de decisión do Sistema Nacional de Saúde. A sesión pode seguirse de maneira presencial, previa inscrición por mail a avalia_t.acis@sergas.es, e tamén en streaming por webinario zoom (rexistro aquí).
